ایئر چیف مارشل ظہیر احمد بابر سدھو سے روس کے نائب وزیر دفاع الیگزینڈر وی فومن کی ملاقات، عسکری اور صنعتی تعاون کو فروغ دینے پر گفتگو

ملاقات کی تفصیلات

اسلام آباد (ڈیلی پاکستان آن لائن) ایئر چیف مارشل ظہیر احمد بابر سدھو نے روس کے نائب وزیر دفاع الیگزینڈر وی فومن سے ملاقات کی۔

یہ بھی پڑھیں: وزیراعلیٰ پنجاب مریم نواز کی زیرصدارت صوبائی کابینہ کا اجلاس، صحافی کالونی فیزٹو کیلئے 40کروڑ روپے کی گرانٹ منظور

تعاون کی راہیں

پاک فوج کے شعبہ تعلقات عامہ آئی ایس پی آر کے مطابق، روس کے نائب وزیر دفاع کی قیادت میں وفد نے ایئر ہیڈکوارٹرز کا دورہ کیا۔ ملاقات میں دونوں ممالک کے درمیان عسکری اور صنعتی تعاون کو فروغ دینے پر گفتگو کی گئی۔

یہ بھی پڑھیں: سعودی مسلح افواج کے چیف آف جنرل سٹاف جنرل فیاض بن حمید الرویلی کا جی ایچ کیو کا دورہ، فیلڈ مارشل عاصم منیر سے ملاقات

مشترکہ فوجی مشقیں

آئی ایس پی آر کے مطابق، مشترکہ فوجی مشقوں اور تکنیکی معاونت کے ذریعے تعلقات کو مضبوط بنانے کے لیے نئی راہیں تلاش کرنے پر بھی بات چیت ہوئی۔ ایئر چیف نے روس کے ساتھ فوجی تعلقات کو مستحکم کرنے پر زور دیا۔

یہ بھی پڑھیں: نئی نسل کو منشیات سے بچانے کیلئے بھرپور کریک ڈاؤن جاری رہے گا: محسن نقوی

تربیتی پروگرامز

ایئر چیف نے تعاون پر مبنی تربیتی پروگرامز، مشقوں اور صنعتی تعاون پر بھی گفتگو کی۔ روسی نائب وزیر دفاع نے موجودہ قیادت میں پاک فضائیہ میں حالیہ پیشرفت کو سراہا۔

مستحکم شراکت داری کا عزم

آئی ایس پی آر کے مطابق، روس کے نائب وزیر دفاع نے ملٹری ٹو ملٹری تعاون اور باہمی دفاعی شراکت داری کو مزید مستحکم کرنے میں کردار ادا کرنے کے عزم کا اعادہ کیا۔