پنجاب : چینی باشندوں کی سکیورٹی کیلئے لگژری گاڑیاں خریدنے کا فیصلہ

پنجاب حکومت کا فیصلہ

لاہور (ڈیلی پاکستان آن لائن) پنجاب حکومت نے چینی باشندوں کی سکیورٹی کے لئے لگژری گاڑیاں خریدنے کا فیصلہ کرلیا۔

یہ بھی پڑھیں: آج لاہور کی جیلوں سے زیر حراست ملزمان کی عدالت پیشی ملتوی

سکیورٹی کیلئے فنڈز کی منظوری

ذرائع کے مطابق چینی باشندوں کی سکیورٹی کے لئے پنجاب حکومت نے 50 کروڑ روپے ادا کرنے کی منظوری دے دی، یہ منظوری آئی جی پنجاب کی سفارشات پر صوبائی کابینہ کی جانب سے دی گئی۔

یہ بھی پڑھیں: عمران خان کا اختتام بانی ایم کیو ایم جیسا ہوگا، فیصل واوڈا

ماضی میں خریدی گئی گاڑیاں

حکومتی ذرائع نے بتایا ہے کہ وفاقی حکومت نے 2016 میں 23 لگژری گاڑیاں چائنیز اور دیگر وی وی آئی پیز کے لئے خریدی تھیں۔ 2016 کے بعد سے سی پیک سمیت دیگر چینی منصوبوں میں اضافہ ہوا ہے جس کے نتیجے میں گاڑیاں کم پڑ گئیں۔

نئے منصوبے کی تفصیلات

ذرائع کا مزید بتانا ہے کہ حکومت نے پنجاب میں جاری چینی منصوبوں کی سکیورٹی کے لئے گاڑیاں خریدنے کی منظوری دی ہے۔ ان میں 2021 ماڈل کی بم پروف بی ایم ڈبلیو اوریجنل گاڑیاں شامل ہوں گی۔