اترپردیش کے وزیراعلیٰ یوگی ادتیہ ناتھ کو بابا صدیقی کی طرح قتل کرنے کی دھمکی

دھمکی کا پس منظر

نئی دہلی (ڈیلی پاکستان آن لائن) بھارتی ریاست اترپردیش کے وزیراعلیٰ یوگی ادتیہ ناتھ کو 10 دنوں میں استعفیٰ نہ دینے کی صورت میں مسلمان سیاستدان بابا صدیقی کی طرح قتل کرنے کی دھمکی دی گئی ہے۔

یہ بھی پڑھیں: چین 2028 اولمپکس میں کرکٹ گولڈ میڈل جیتنے کے لیے سنجیدہ ہے اسٹیو واہ نے تمام ملکوں کیلئے خطرے کی گھنٹی بجادی

دھمکی کی تفصیلات

بھارتی میڈیا کے مطابق ادتیہ ناتھ کے نام ملنے والی ایک دھمکی میں کہا گیا ہے کہ اگر انہوں نے 10 دن میں وزارت اعلیٰ سے استعفیٰ نہیں دیا تو ان کو بھی گزشتہ ماہ قتل ہونے والے نیشنلسٹ کانگریس پارٹی کے مسلم رہنما اور سلمان خان کے قریبی دوست بابا صدیقی کی طرح قتل کردیا جائے گا۔

یہ بھی پڑھیں: مزارِ اقبال پر گارڈز تبدیلی کی تقریب، پاک بحریہ نے فرائض سنبھال لیے

تحقیقات کا آغاز

رپورٹ کے مطابق دھمکی آمیز پیغام ممبئی ٹریفک پولیس کو ایک نامعلوم نمبر سے موصول ہوا، جسے پولیس حکام اب تک تحقیق کر رہے ہیں کہ یہ نمبر کس کا ہے۔

یہ بھی پڑھیں: جب تک عمران خان سے ہدایات نہیں ملتیں، ایکس اکاؤنٹ کے مقدمے میں بحث نہیں کرسکتا، سلمان اکرم راجا

حکومتی ردعمل

بھارتی میڈیا کے مطابق وزیراعلیٰ یوگی ادتیہ ناتھ کو دھمکی آمیز پیغام کے حوالے سے آگاہ کردیا گیا ہے۔ تاہم، ممبئی پولیس نے اس معاملے میں ابھی تک کوئی مقدمہ درج نہیں کیا۔

واقعہ کی سنگینی

واضح رہے کہ 12 اکتوبر کو بھارتی سیاسی شخصیت اور سلمان خان کے قریبی دوست بابا صدیقی کو ممبئی میں قتل کر دیا گیا تھا، جس کی ذمہ داری لارنس بشنوئی گینگ نے قبول کی تھی۔