ایک اور پی ٹی آئی رہنما کو جیل سے رہا کردیا گیا، کارکنوں کی جانب سے ہوائی فائرنگ
ایم پی اے انور زیب کی رہائی
باجوڑ (ڈیلی پاکستان آن لائن) ڈی چوک احتجاج کیس میں گرفتار ہونے کے بعد ایم پی اے انور زیب اپنے گھر پہنچ گئے۔ ان کے گھر پہنچنے پر علاقہ گولیوں کی تڑتڑاہٹ سے گونج اٹھا۔
یہ بھی پڑھیں: آسٹریلیا جیسی مضبوط ٹیم کو ہوم گراونڈ پر ہراکر کھلاڑیوں نے قوم کا سر فخر سے بلند کیا: محسن نقوی
شاندار استقبال
24 نیوز کے مطابق انور زیب کی جیل سے رہائی کے بعد، ورکرز نے انہیں ہار پہنا کر شاندار استقبال کیا۔ پی ٹی آئی رکن صوبائی اسمبلی جب جیل سے باہر آئے تو کارکنوں کی جانب سے خوشی میں ہوائی فائرنگ کی گئی۔ اس سے علاقہ گونج اٹھا اور لوگوں میں خوف و ہراس پھیل گیا۔
پولیس کا بیان
اس حوالے سے ڈسٹرکٹ پولیس آفیسر باجوڑ وقاص رفیق کا کہنا ہے کہ ہوائی فائرنگ کرنے والوں کے خلاف سخت کارروائی کی جائے گی۔ ہوائی فائرنگ کرنے والوں کے خلاف قانون کے مطابق ایف آئی آر درج کی جا رہی ہے۔
