راجپال یادو صحافی کے سوال پر مشتعل، کیمرا چھین کر توڑنے کی کوشش

راجپال یادو کا دیوالی پر بیان

ممبئی (ڈیلی پاکستان آن لائن) بالی ووڈ اداکار اور کامیڈین راجپال یادو دیوالی کے موقع پر فائر کریکرز (پٹاخوں) کے خلاف بیان دینے پر ردعمل آنے کے بعد اس قدر غصہ ہوگئے ہیں کہ صحافی سے جھگڑا کر بیٹھے۔

یہ بھی پڑھیں: بلوچستان میں امن و امان سمیت اور بھی بہت سے مسائل ہیں، سلیم مانڈوی والا

فائر کریکرز کے خلاف اپیل

گزشتہ ہفتے راجپال یادو نے فائر کریکرز سے اجتناب کرنے کی اپیل کی تھی، جس پر ردعمل آیا اور انہیں اپنا بیان واپس لیتے ہوئے معافی مانگنی پڑی۔

یہ بھی پڑھیں: سیاحتی دورے کا خواب محض 40 سیکنڈ میں چکنا چور، بھارتی نوجوان کا تین سوالات پر امریکی ویزا ایک منٹ میں مسترد ہوگیا

معافی کا بیان

اپنی نئی ویڈیو میں راجپال نے کہا، 'دو دن پہلے میری جانب سے ایک ویڈیو پوسٹ کی گئی تھی، جسے میں نے ہٹا دیا۔ جس کسی کو بھی میری بات سے تکلیف پہنچی، میں معذرت خواہ ہوں۔ دیوالی کی خوشیاں منائیں، صحت مند رہیں، اور جے بھارت!'

یہ بھی پڑھیں: تحریک انصاف کے احتجاج کی کوئی اہمیت باقی نہیں رہی، فضل الرحمان

انٹرویو کے دوران جھگڑا

اب حالیہ انٹرویو کے دوران ایک صحافی نے ان سے ان کے دیوالی معافی والے بیان پر سوال کیا، جس پر اداکار نے برہمی کا اظہار کرتے ہوئے صحافی کا کیمرہ چھین لیا۔

یہ بھی پڑھیں: مون سون بارشوں کا 7واں سپیل آج سے شروع ہونے کی پیش گوئی

راجپال یادو کی موجودہ مصروفیات

راجپال یادو اتر پردیش میں اپنے مداحوں کے درمیان تھے اور صحافی کے سوالات کا جواب دے رہے تھے۔ جب ان سے دیوالی بیان پر معافی سے متعلق سوال کیا گیا تو وہ مشتعل ہو گئے اور کیمرہ چھین کر اسے پھینکنے کی کوشش کی۔

اگلی فلمیں

راجپال یادو حال ہی میں انیس بزمی کی فلم 'بھول بھلیاں 3' میں چھوٹا پنڈت کے کردار میں نظر آئے ہیں، اور اب ان کی اگلی فلم 'بیبی جان' میں ان کا کردار ایک ایکشن تھرلر میں دیکھا جائے گا۔