اعظم سواتی کی 8 مقدمات میں ضمانت بعد از گرفتاری منظور

اعظم سواتی کی ضمانت کی منظوری

اسلام آباد (ڈیلی پاکستان آن لائن) انسداد دہشت گردی عدالت اسلام آباد نے پی ٹی آئی رہنما اعظم سواتی کی آٹھ مقدمات میں ضمانت بعد از گرفتاری منظور کر لی۔

یہ بھی پڑھیں: ڈولفن ایان: ‘مجھے ویڈیو بنا کر مسلسل بلیک میل کیا گیا، اسی خوف کے باعث صلح کی تھی’

عدالت کی کارروائی

نجی ٹی وی چینل ایکسپریس نیوز کے مطابق انسداد دہشت گردی عدالت کے جج ابو الحسنات ذولقرنین نے اعظم سواتی کے خلاف ڈی چوک احتجاج میں مالی معاونت پر درج مقدمات میں ضمانت کی درخواستوں پر سماعت کی۔ پراسکیوٹر راجہ نوید اور اعظم سواتی کے وکیل سہیل ایڈووکیٹ عدالت میں پیش ہوئے۔ پراسکیوٹر راجہ نوید نے اعظم سواتی کی ضمانت کی مخالفت کی۔

عدالت کا فیصلہ

عدالت نے 20، 20 ہزار مچلکوں کے عوض آٹھ مقدمات میں اعظم سواتی کی ضمانت بعد از گرفتاری کی درخواست منظور کر لی۔