بھارتی بلائنڈ کرکٹ ٹیم پاکستان آنے کو تیار، این او سی جاری

پاکستان میں ٹی ٹوئنٹی بلائنڈ کرکٹ ورلڈکپ

کراچی (ڈیلی پاکستان آن لائن) بھارتی وزارت کھیل نے 23 نومبر سے پاکستان میں ہونے والے ٹی ٹوئنٹی بلائنڈ کرکٹ ورلڈکپ کے چوتھے ایڈیشن میں شرکت کے لئے انڈین بلائنڈ کرکٹ ٹیم کو این او سی جاری کر دیا ہے۔

یہ بھی پڑھیں: 11 مئی تک گرد آلود ہواؤں اور گرج چمک کے ساتھ بارش کی پیشگوئی، پی ڈی ایم اے الرٹ جاری

این او سی کی تفصیلات

بھارتی وزارت کھیل کی جانب سے کرکٹ ایسوسی ایشن آف دی بلائنڈ انڈیا کے سیکرٹری جنرل شری شائلندر یادیو کو ارسال کردہ خط میں دورہ پاکستان کی اجازت دی گئی ہے۔ مزید کلیئرنس کے لئے بھارتی وزارت خارجہ اور وزارت داخلہ سے رابطہ کرنے کی ہدایت بھی کی گئی ہے۔

یہ بھی پڑھیں: کل کہاں سے احتجاج شروع کیا جائے گا ۔۔؟ تحریک انصاف کوآرڈینیشن کمیٹی اجلاس میں اہم فیصلے ،کارکنوں کواہم ہدایات جاری

بھارتی بلائنڈ ٹیم کا سفر

واضح رہے کہ بھارتی بلائنڈ ٹیم کو ورلڈکپ میں شرکت کے لئے 12 نومبر کو لاہور پہنچنا ہے۔ بھارت اور پاکستان کے درمیان میچ 25 نومبر کو لاہور میں شیڈول ہے۔

یہ بھی پڑھیں: لاہور پولو کلب کے زیراہتمام پیٹرینز ایبک پولو کپ 2024ء میں دو اہم مقابلے

پاکستان بلائنڈ کرکٹ کونسل کا ردعمل

پاکستان بلائنڈ کرکٹ کونسل کے چیئرمین سید سلطان شاہ نے وزارت کھیل کی جانب سے این او سی ملنے کو خوش آئند قرار دیتے ہوئے کہا کہ پاک بھارت مقابلے ہمیشہ شائقین کی بھرپور توجہ حاصل کرتے ہیں۔ پاکستانی عوام ورلڈ کپ کے دوران پاک بھارت میچ کے حوالے سے بہت پُرجوش ہیں۔ ماضی میں کرکٹ ڈپلومیسی سے دونوں ممالک کے تعلقات میں نمایاں بہتری آئی تھی۔

امیدیں اور توقعات

سید سلطان شاہ نے اس امید کا اظہار کیا کہ بھارتی وزارت خارجہ اور وزارت داخلہ کی جانب سے بھی انڈین بلائنڈ کرکٹ ٹیم کو دورہ پاکستان کے لئے جلد ہی این او سی جاری کر دیا جائے گا۔