رمضان شوگر مل ریفرنس؛ شہبازشریف اور حمزہ شہباز کیخلاف عدالتی دائرہ اختیار کا جائزہ لینے کیلئے کارروائی کچھ دیر کیلئے ملتوی

اینٹی کرپشن عدالت میں سماعت

لاہور(ڈیلی پاکستان آن لائن) اینٹی کرپشن عدالت نے شہبازشریف اور حمزہ شہباز کیخلاف رمضان شوگر مل ریفرنس میں عدالتی دائرہ اختیار کا جائزہ لینے کیلئے کارروائی کچھ دیر کیلئے ملتوی کردی۔ جج اینٹی کرپشن نے کہا کہ ہمیں یہ دیکھنا ہے کہ ریفرنس پر سماعت کا اختیار ہمارے پاس ہے یا نہیں۔

یہ بھی پڑھیں: زیادہ نمک ہائی بلڈ پریشر کا باعث بنتا ہے، لیکن کیا کم نمک کے استعمال سے موت بھی واقع ہو سکتی ہے؟

ذرائع ابلاغ کی رپورٹ

نجی ٹی وی چینل دنیا نیوز کے مطابق، اینٹی کرپشن عدالت لاہور میں شہبازشریف اور حمزہ شہباز کیخلاف رمضان شوگر مل ریفرنس کی سماعت ہوئی۔ حمزہ شہباز نے عدالت میں پیش ہو کر حاضری مکمل کی، جبکہ وزیراعظم کے نمائندے انوار حسین نے بھی حاضری مکمل کرائی۔ شہبازشریف اور حمزہ شہباز کے وکیل نے نیب ترمیمی آرڈیننس کی کاپی عدالت میں پیش کردی۔

یہ بھی پڑھیں: جسٹس یحییٰ آفریدی کا بطور چیف جسٹس سپریم کورٹ میں پہلا دن، سوا گھنٹے میں 30 مقدمات کی سماعت کی

وکیل کا موقف

وکیل امجد پرویز نے کہا کہ نیب ترمیمی آرڈیننس کی روشنی میں اینٹی کرپشن ریفرنس پر سماعت کا دائرہ اختیار موجود ہے۔ عدالت نے استفسار کیا کہ کیا اس ریفرنس میں فرد جرم عائد ہو چکی ہے؟ وکیل نے بتایا کہ فرد جرم عائد ہو چکی ہے اور 4 گواہ بھی موجود ہیں۔ جج نے استفسار کیا کہ نیب عدالت کی فرد جرم کو ہم کیسے آگے چلا سکتے ہیں؟

سماعت کا فیصلہ

وکیل نے وضاحت کی کہ حمزہ شہباز موجود ہیں اور شہبازشریف کے نمائندے کی موجودگی میں فرد جرم عائد کی جاسکتی ہے۔ جج نے کہا کہ ابھی ہم نے دیکھنا ہے کہ ریفرنس پر سماعت کا ہمارے پاس اختیار ہے یا نہیں، جس کے بعد عدالتی دائرہ اختیار کا جائزہ لینے کیلئے کارروائی کچھ دیر کیلئے ملتوی کردی گئی۔