کراچی میں سیکیورٹی گارڈ کی فائرنگ سے 2 چینی شہری زخمی، ایک کی حالت تشویشناک

کراچی میں چینی شہریوں پر فائرنگ کا واقعہ

کراچی (ڈیلی پاکستان آن لائن) سندھ کے دارالحکومت کراچی میں سیکیورٹی گارڈ کی فائرنگ سے 2 چینی شہری زخمی ہوگئے جن میں سے ایک کی حالت تشویشناک بتائی گئی ہے۔

یہ بھی پڑھیں: ایئر لائنز کے انتظامی مسائل ختم نہ ہوسکے، 4 پروازیں منسوخ اور متعدد تاخیر

پولیس کی تصدیق

کراچی پولیس کے ایک افسر نے چینی شہریوں کے زخمی ہونے کی تصدیق کی ہے جبکہ حکومت سندھ نے پولیس سٹیشن میں تصادم کی اطلاع دی۔

یہ بھی پڑھیں: ہم موم بتیاں ہیں۔۔۔

ایس ایس پی کا بیان

جائے وقوعہ پر موجود صحافیوں سے بات چیت کرتے ہوئے سینئر سپرنٹنڈنٹ آف پولیس (ایس ایس پی) کیماڑی فیضان علی نے کہا کہ سیکیورٹی گارڈ کی فائرنگ سے 2 چینی شہری زخمی ہوئے ہیں۔

یہ بھی پڑھیں: عمران خان کی رہائی امریکہ کی مرضی پر منحصر نہیں ہے، مفتاح اسماعیل

واقعہ کی تفصیلات

سندھ کی وزارت داخلہ کی جانب سے جاری کردہ ایک بیان میں کہا گیا کہ غیر ملکی شہریوں اور سیکیورٹی گارڈ کے درمیان سندھ انڈسٹریل ٹریڈنگ سٹیٹ (سائٹ) اے ایریا کے ایک پولیس سٹیشن کی حدود میں تصادم ہوا۔

یہ بھی پڑھیں: وفاقی محتسب کی ہدایت پر لیسکوسے شکایات کے بارے میں کھلی کچہری ، سائلین نے شکایات کے انبار لگا دئیے

زخمیوں کا حال

غیر ملکی خبر رساں ادارے نے لیاقت نیشنل ہسپتال کے ترجمان کو یہ کہتے ہوئے رپورٹ کیا کہ مرکز صحت میں 2 چینی شہریوں کو طبی امداد فراہم کی جارہی ہے جبکہ ایک شہری کی حالت تشویشناک ہے۔

یہ بھی پڑھیں: دنیا کی سب سے وزنی بلی انتقال کر گئی

پولیس کی کارروائی

پولیس حکام کے مطابق ٹیکسٹائل مل کے سیکیورٹی گارڈ اور فیکٹری میں کام کرنے والے 2 غیر ملکی ملازمین کے درمیان تلخ کلامی ہوئی جس کے بعد سیکیورٹی گارڈ نے فائرنگ کردی اور نتیجے میں 2 غیر ملکی شہری زخمی ہوگئے۔

یہ بھی پڑھیں: نیوٹرل وینیو سے متعلق کل فیصلہ ہو جائے گا، محسن نقوی

ریسکیو کی کوششیں

ریسکیو حکام کے مطابق زخمی شہریوں کو فوری طور پر طبی امداد کی فراہمی کے لیے ہسپتال منتقل کردیا گیا۔

یہ بھی پڑھیں: پنجاب سٹیڈیم میں لاہور یوتھ فیسٹیول کیلئے 100 میٹرگرلزٹرائلزکا انعقاد، ڈی جی سپورٹس پنجاب پرویز اقبال کی بطور مہمان خصوصی شرکت

تحقیقات کا آغاز

دوسری جانب کراچی پولیس نے معاملے کی مزید تحقیقات کا آغاز کرکے قانونی کارروائی شروع کردی ہے۔

یہ بھی پڑھیں: لاہور میں سموگ، قائداعظم ٹرافی کے میچز دیگر شہروں میں منتقل

حکومتی تشویش

گورنر سندھ کامران خان ٹیسوری اور وزیر داخلہ سندھ ضیا ءالحسن لنجار نے واقعے پر اظہار تشویش کیا۔ گورنر سندھ نے انسپکٹر جنرل (آئی جی) سندھ پولیس سے واقعے کی رپورٹ طلب کرکے تحقیقات کی ہدایت کردی۔

یہ بھی پڑھیں: وزیراعظم شہبازشریف 10 نومبر کو سعودی عرب روانہ ہوں گے

سیکورٹی کی بہتری کی ہدایت

گورنر سندھ نے کہا کہ واقعے میں ملوث عناصر کو ہر صورت قانون کی گرفت میں لایا جائے، غیر ملکی باشندوں کی حفاظت اولین ترجیح ہے۔ وزیر داخلہ سندھ نے سائٹ اے ایریا میں غیر ملکیوں اور سیکیورٹی گارڈز کے درمیان جھگڑے کے واقعے کا نوٹس لیتے ہوئے ڈپٹی انسپکٹر جنرل (ڈی آئی جی) ساؤتھ سے تفصیلات طلب کرلیں۔

یہ بھی پڑھیں: چنار بزنس کانفرنس: پاکستان اور دبئی کے تعلقات باہم احترام پر قائم

سیکیورٹی کمپنیوں کی نگرانی

وزیر داخلہ سندھ نے واقعے میں ملوث سیکیورٹی گارڈ کی گرفتاری کی ہدایات جاری کردیں اور چائنیز ماہرین، شہریوں اور دیگر غیر ملکیوں کو سیکیورٹی فراہم کرنیوالی کمپنیز کا آڈٹ کرنے کی بات کی۔

تحریک اصلاحات

سیکیورٹی جیسے اہم فرائض پر مامور گارڈز کے جسمانی و دماغی فٹنس ٹیسٹ کو یقینی بنایا جائے۔ انہوں نے کہا کہ فزیکل اور دماغی ٹیسٹ کے حوالے سے سیکیورٹی کمپنیز کو پابند کیا جائے۔

مزید یہ کہ تربیت یافتہ اور مکمل طور پر فٹ سیکیورٹی گارڈ ہی سے خدمات لی جائیں، سیکیورٹی کمپنیز کے آڈٹ پر مشتمل رپورٹ برائے ملاحظہ ارسال کی جائے اور غیر رجسٹرڈ اور غیر قانونی سیکیورٹی کمپنیز کے خلاف کریک ڈاؤن کیا جائے۔