ہم درست سمت میں جارہے ہیں، طویل سفر باقی ہے: وزیر خزانہ

وفاقی وزیر خزانہ کا بیان

کراچی (ڈیلی پاکستان آن لائن) وفاقی وزیر خزانہ محمد اورنگزیب نے کہا ہے کہ ہم درست سمت میں جارہے ہیں تاہم طویل سفر باقی ہے۔

یہ بھی پڑھیں: سیاست میں عزت ہے نہ عوام کی خدمت، ملک کے مسائل برقرار ہیں: شاہد خاقان عباسی

فیوچر سمٹ میں خطاب

کراچی میں ہونے والے فیوچر سمٹ سے خطاب کرتے ہوئے محمد اورنگزیب نے کہا کہ ہم صحیح سمت میں جارہے ہیں، ترسیلات زر بڑھ رہی ہیں اور زرمبادلہ ذخائر مستحکم ہیں تاہم طویل سفر باقی ہے۔

یہ بھی پڑھیں: لاہور ایئرپورٹ سے رواں سال اب تک 98 ملزمان کی بیرون ملک فرار کی کوشش ناکام

کریڈٹ ریٹنگ میں بہتری

وزیر خزانہ نے کہا کہ رواں مالی سال کریڈٹ ریٹنگ بی کروانا چاہتے ہیں، صنعتکاروں کو سمجھنا چاہئے کہ ان کا ریفرنس پوائنٹ کائبور ہے۔

یہ بھی پڑھیں: کراچی میں سی ٹی ڈی فیوژن سینٹر کا افتتاح ، صوبے سے شدت پسندوں کو ختم کرنا ہوگا: مراد علی شاہ

قیمتوں کا کنٹرول

محمد اورنگزیب کا کہنا تھا کہ مرغی اور دالوں کی قیمتوں میں اضافہ برداشت نہیں کریں گے، ہم یقینی بنائیں گے کہ مڈل مین عوام کو فائدہ پہنچانے میں رکاوٹ نہ بنے۔ اب یہ معاملہ ای سی سی کے ہر اجلاس میں آئے گا، پرائس کمیٹیز سے کوآرڈینیشن ہوگی۔ پوری دنیا میں مرغی اور دالوں کی قیمت کم ہوئیں مگر یہاں نہیں ہوئیں۔

یہ بھی پڑھیں: کے پی میں پھل دار اور دیسی درخت لگانے کا فیصلہ

ڈیجیٹائزیشن اور معیشت کا مستقبل

وزیر خزانہ نے مزید کہا کہ ڈیجیٹائزیشن کے ذریعے انسانی مداخلت کم اور کرپشن قابو کریں گے۔ اب صنعتوں کو مراعات بغیر اہداف کے نہیں دیں گے، نجی شعبے کو استعداد بڑھانا ہوگی جبکہ معیشت کا ڈی این اے ایکسپورٹ پر مبنی اکانومی کے ذریعے بدلنا ہوگا۔

متحدہ عرب امارات کے قونصل جنرل کا بیان

فیوچر سمٹ میں خطاب کرتے ہوئے متحدہ عرب امارات کے قونصل جنرل بخیت رومتی نے کہا کہ سرمایہ کاروں کا بھرپور خیال رکھنا چاہئے، پاکستانیوں نے ہمیں انفرا سٹرکچر دیا ہے۔