عاشق نے گھر میں گھس کر لڑکی کو تیزاب پلا دیا

ساہیوال میں افسوسناک واقعہ

ساہیوال(ڈیلی پاکستان آن لائن) ساہیوال کے نواحی گاوں 90 سکس آر میں ایک لڑکے نے گھر میں گھس کر 16 سالہ لڑکی کو تیزاب پلا دیا۔

یہ بھی پڑھیں: سابق چیف سلیکٹر محمد الیاس سپرد خاک، نماز جنازہ میں کرکٹرز اور پی سی بی اسٹاف کی شرکت

واقعے کی تفصیلات

ایف آئی آر کے مطابق ملزم عثمان گھر میں گھس کر لڑکی کو موبائل فون دینے گیا۔ متاثرہ لڑکی کوثر پروین نے انکار کیا تو اسے زبردستی تیزاب پلا دیا۔

یہ بھی پڑھیں: اسلام آباد جوڈیشل کمپلیکس کے باہر دھماکے کا مقدمہ تھانہ سی ٹی ڈی میں درج

رشتہ طلبی اور انکار

پولیس کے مطابق لڑکے نے لڑکی کا رشتہ بھی مانگا تھا، لیکن گھر والوں نے انکار کر دیا تھا۔ یہ واقعہ دو روز قبل پیش آیا تھا۔

یہ بھی پڑھیں: پشاور زلمی کا کپتان بابراعظم کو ریٹین، صائم ایوب کو ریلیز کرنے کا فیصلہ

لڑکی کی صحت کی حالت

لڑکی کوثر پروین کی حالت تشویشناک ہونے پر اسے ٹیچنگ ہسپتال منتقل کر دیا گیا تھا، تاہم اب اس کی حالت خطرے سے باہر ہے۔

پولیس کارروائی

تھانہ فرید ٹاون پولیس نے لڑکی کے والد لطیف کی مدعیت میں مقدمہ درج کر کے ملزم کو گرفتار کر لیا ہے۔