ٹرمپ عمران کیلئے نرم گوشہ رکھتے ہیں، انکی ٹیم سے بانی پی ٹی آئی کے کیس پر بات کرونگا: ذلفی بخاری

امریکی صدر کا منصب سنبھالنے کے بعد گفتگو

اسلام آباد(ڈیلی پاکستان آن لائن) بانی پی ٹی آئی عمران خان کے قریبی دوست ذلفی بخاری نے کہا ہے کہ وہ امریکی صدر کا منصب سنبھالنے کے بعد ٹرمپ کی ٹیم سے عمران خان اور ان کی پارٹی کے خلاف ہونے والی ناانصافیوں پر بات کریں گے۔

یہ بھی پڑھیں: بانی پی ٹی آئی کو پتا لگ چکا، ان کے لوگ انھیں چھوڑ کر بھاگ چکے، بک چکے ہیں: فیصل واوڈا

ڈونلڈ ٹرمپ سے روابط

ذلفی بخاری نے دی نیوز سے گفتگو کرتے ہوئے کہا کہ وہ ڈونلڈ ٹرمپ کی ٹیم اور ان کے خاندان کے افراد سے رابطے میں ہیں۔

یہ بھی پڑھیں: پاکستان میں رہ کر جنت جانے کی ممکنات، امریکا کا مقابلہ کرتے ہوئے – ذاکر نائیک

عمران خان کے لیے نرم گوشہ

ذلفی بخاری نے کہا کہ ٹرمپ بانی پی ٹی آئی کی سزا پر تشویش کا اظہار کر چکے ہیں اور انہیں عمران خان کے لیے نرم گوشہ رکھتا ہے۔

یہ بھی پڑھیں: کچے کے ڈاکوؤں نے 60سالہ بزرگ کو ہنی ٹریپ کرلیا

انسانی حقوق کی پامالیاں

ان کا کہنا تھا کہ ٹرمپ کے امریکی صدر کا منصب سنبھالنے کے بعد ان کی ٹیم کے ارکان، ٹرمپ کی صاحبزادی اور داماد سے جیل میں قید عمران خان اور ان کی پارٹی کے ساتھ ہونے والی ناانصافیوں پر گفتگو کر سکیں گے۔

یہ بھی پڑھیں: میٹرک سائنس کے نتائج کا اعلان: 28 سال بعد سرکاری سکول کے طالب علم نے پہلی پوزیشن حاصل کی

جیل سے رہائی کے حوالے سے بات چیت

ذلفی بخاری نے اس سوال پر کہ کیا وہ بانی پی ٹی آئی کی جیل سے رہائی کے بارے میں ٹرمپ سے بات کریں گے، کہا کہ وہ انسانی حقوق اور جمہوری اقدار کی خلاف ورزیوں اور پاکستان میں قانون کی حکمرانی کی خراب صورتحال، خاص طور پر بانی پی ٹی آئی کے کیس پر بات کرنے کا ارادہ رکھتے ہیں۔

تحریک انصاف کے رہنما کا بیان

واضح رہے کہ گزشتہ روز تحریک انصاف کے رہنما علی محمد خان نے کہا تھا کہ بانی پی ٹی آئی نے ٹرمپ کی کامیابی پر خوشی کا اظہار کیا ہے اور جب وہ وزیراعظم تھے تو ان کا ٹرمپ سے رابطہ رہتا تھا اور دوستانہ تعلقات تھے۔