چوہدری شافیع حسین کا سندس فاؤنڈیشن کا دورہ، دستیاب سہولیات کا جائزہ لیا

صوبائی وزیر شافیع حسین کا سندس فاؤنڈیشن کا دورہ

لاہور (ویب ڈیسک) صوبائی وزیر شافیع حسین نے سندس فاؤنڈیشن کا دورہ کیا جہاں انہوں نے زیر علاج مریضوں کی عیادت کی اور ان میں تحائف تقسیم کیے۔ چوہدری شافیع حسین نے سندس فاؤنڈیشن کے مختلف شعبہ جات میں مریضوں کے لیے مہیا کی جانے والی سہولیات کا بھی جائزہ لیا۔

یہ بھی پڑھیں: سفیر پاکستان رضوان سعید شیخ کا پاک امریکا معاشی تعلقات مضبوط بنانے پر زور

انسانیت کی خدمت کی ستائش

اس موقع پر میڈیا سے گفتگو کرتے ہوئے صوبائی وزیر نے سندس فاؤنڈیشن کی انسانیت کی خدمت کے لیے کی جانے والی کوششوں کو سراہا اور کہا کہ سندس فاؤنڈیشن کا معاشرے کیلئے کام بے مثال ہے جو مستحق اور نادار مریضوں کے لیے امید کی ایک کرن ہے۔ انہوں نے یقین دلایا کہ وہ سندس فاؤنڈیشن کے کام کو مزید آگے بڑھانے کیلئے ہر ممکن تعاون فراہم کرینگے تاکہ ہر ضلع میں سندس فاؤنڈیشن کا سنٹر قائم ہوسکے اور تھیلیسیمیا اور ہیموفیلیا کے مریضوں کو ان کے قریب صحت کی سہولیات فراہم کی جا سکیں۔

یہ بھی پڑھیں: سیاحوں کے ساتھ دھو کہ دہی اور لوٹ مار دیکھ کر غصہ بہت آیا،فرعون کا ننھا سا تابوت جو 12پاؤنڈ کا تھا یہاں سے صرف 2پاؤنڈ میں مل گیا

فاؤنڈیشن کے عملے کی تعریف

انہوں نے فاؤنڈیشن کے عملے کی محنت اور جذبے کو بھی خراج تحسین پیش کیا اور کہا کہ یہ ادارہ انسانیت کی خدمت کا ایک بہترین عملی نمونہ ہے۔

یہ بھی پڑھیں: نومنتخب وزیراعظم آزاد کشمیر نے عہدے کا حلف اٹھالیا

سموگ کا مسئلہ

صوبائی وزیر نے پنجاب بالخصوص لاہور میں سموگ کے حوالے سے کہا کہ سموگ کے خاتمے کیلئے ہر شہری کو اپنا کردار ادا کرنا ہوگا اور اس عفریت سے نجات حاصل کرنا لازمی ہوچکا ہے تاکہ ہمارے بچے اس سے محفوظ رہیں۔

یہ بھی پڑھیں: وزیراعلیٰ کا سرکاری ہسپتالوں کے لیے نئی ادویات کی فہرست تیار کرنے کا حکم، 80 ارب روپے فراہم کر رہے ہیں، نااہل اور کام چوروں کو گھر جانا ہوگا: مریم نواز

بنیادی خدمات کی وضاحت

سندس فاؤنڈیشن کے دورے میں میڈیکل ڈائریکٹر ڈاکٹر عدنان گیلانی نے صوبائی وزیر کو سندس فاؤنڈیشن کی جانب سے فراہم کیا جانے والی سہولیات کے بارے بریف کیا اور بتایا کہ اس وقت تھیلیسیمیا اور دیگر خون کی بیماریوں میں مبتلا 7000 سے زائد مریضوں کا مفت علاج کیا جارہا ہے۔ ان مریضوں کو مہینے میں کم از کم دو بار خون کی ضرورت ہوتی ہے جو کہ سندس فاؤنڈیشن مہیا کر رہا ہے۔ اس کے علاوہ ان مریضوں کو ہر قسم کی ادویات بغیر کسی معاوضے کے فراہم کی جاتی ہیں۔

یادگاری شیلڈ کا پیش کیا جانا

صوبائی وزیر کو ان کے دورے کے اختتام پر صدر سندس فاؤنڈیشن یاسین خان نے یادگاری شیلڈ پیش کی، ان کی آمد پر شکریہ ادا کیا اور کہا کہ چوہدری ظہور الہی کے خاندان کی جانب سے ہمیشہ معاشرے کی بہتری کیلئے اقدامات کیے جاتے رہے ہیں اور یہ سلسلہ آج بھی جاری ہے۔ اس موقع پر سی او او سندس فاؤنڈیشن عبدالستار، ڈائریکٹر فنانس علی رؤف، مینیجر مارکیٹنگ کمیونیکیشن، پی آر اینڈ میڈیا عمران مہر بھی موجود تھے۔