فلم انڈسٹری کے معروف فنکاروں کا سرکاری اعزازات واپس کرنے کا اعلان

پاکستانی فنکاروں کا سرکاری اعزازات واپس کرنے کا اعلان

لاہور (ڈیلی پاکستان آن لائن) پاکستانی فلمی صنعت کے مشہور ہدایتکار سید نور اور دیگر فنکاروں نے سرکاری اعزازات واپس کرنے کا اعلان کردیا۔

یہ بھی پڑھیں: ہوٹل میں ڈائننگ روم، نماز پڑھنے کے لیے علیٰحدہ کمرہ، تینوں وقت کا کھانا قیدیوں کی طرح لائنوں میں لگ کر کاؤنٹر سے حاصل کر کے کمروں میں بیٹھ کر کھایا جاتا

عشائیے کی تقریب

اداکارہ میرا کی رہائشگاہ پر پاکستان فلم پروڈیوسر ایسوسی ایشن کے اعزاز میں عشائیے کا اہتمام کیا گیا جس میں شہزاد رفیق، مسعود بٹ، صفدر ملک، معمر رانا، لیلیٰ علی اور گلوکار وارث بیگ نے بھی شرکت کی۔

یہ بھی پڑھیں: ایران نے نیدرلینڈ کے سفارتکار کو سٹارلنک کٹس اور سیٹلائٹ فونز سمگل کرتے ہوئے رنگے ہاتھوں پکڑ لیا

سید نور کی تنقید

اس موقع پر سید نور کا کہنا تھا کہ یہ اعزازات صرف دیوار کی زینت بن کر رہ گئے ہیں، حکومت فنکاروں کو کوئی سہولت فراہم نہیں کرتی، نہ ٹرین میں آدھی ٹکٹ پر سفر کا موقع ملتا ہے اور نہ ہی ہوائی سفر میں کوئی رعایت دی جاتی ہے۔

یہ بھی پڑھیں: آسٹریلیا کے فاسٹ بولر جوش ہیزل ووڈ ٹی ٹوئنٹی ورلڈ کپ سے باہر ہوگئے

معمر رانا کی سوچ

معمر رانا نے اس موقع پر کہا کہ کچھ لوگ ہمیں فلم انڈسٹری کے زوال کا ذمہ دار ٹھہراتے ہیں، لیکن سوال یہ ہے کہ ہمیں آپ نے دیا کیا ہے؟

اداکارہ میرا کی جذباتی باتیں

اداکارہ میرا نے کہا کہ اگر وہ پاکستان فلم انڈسٹری کی اصل کہانی سنائیں گی تو وہ جذباتی ہو جائیں گی۔ انہوں نے کہا کہ ان کے دل اور آنسو اس انڈسٹری سے جڑے ہیں، جس کی کہانی ایک پل میں نہیں سنائی جا سکتی۔