برطانیہ: لڑکیوں سے زیادتی کرنے والے 20 ملزمان کو مجموعی طور پر 219 سال قید کی سزا

برطانیہ میں زیادتی کے واقعات

لندن(ڈیلی پاکستان آن لائن) برطانیہ میں لڑکیوں سے زیادتی میں ملوث 20 افراد کو مجموعی طور پر 219 سال قید کی سزا سنادی گئی۔

یہ بھی پڑھیں: معروف طبلہ نواز استاد ذاکر حسین انتقال کر گئے

بیشتر متاثرہ لڑکیاں

غیر ملکی میڈیا کے مطابق برطانوی شہر ہیلی فیکس میں 12 سے 16 سال کی عمر کی 4 لڑکیوں سے زیادتی ثابت ہونے کے بعد ان واقعات میں ملوث 20 افراد کو یہ سزا سنائی گئی ہے۔

یہ بھی پڑھیں: واٹس ایپ ایرانی صارفین کا ڈیٹا اسرائیلی خفیہ ایجنسی کو منتقل کر رہا ہے، ایرانی میڈیا کا دعویٰ

تحقیقات کا آغاز

رپورٹ کے مطابق زیادتی کے واقعات میں ملوث ملزمان کو 2001 سے 2010 کے درمیان مختلف کیسز میں سزا سنائی گئی۔ حکام کا بتانا ہے کہ ان واقعات کی تحقیقات کا آغاز 2016 میں ہوا تھا، جب 13 سے 16 سال کی 2 لڑکیوں کے ساتھ 2006 سے 2009 کے درمیان ہونے والے واقعات کی تحقیقات کی گئیں۔

یہ بھی پڑھیں: ڈونلڈ ٹرمپ کے خلاف 6 جنوری کا کیس ختم، تازہ خبر آگئی

مزید تحقیقات

رپورٹ کے مطابق دوسری تحقیقات کا آغاز بھی 2016 میں ہی ہوا، جب ایک لڑکی کے ساتھ 2006 سے 2010 کے درمیان زیادتی کے واقعات پیش آئے، اس وقت اس کی عمر محض 13 سال تھی۔ ایک اور لڑکی سے زیادتی کے واقعے کی تحقیقات کا آغاز 2018 میں ہوا۔

بلیک میلنگ کے واقعات

غیر ملکی میڈیا کا بتانا ہے کہ زیادتی کے واقعات کے وقت ملزمان کی جانب سے لڑکیوں کو دھمکیاں دے کر بلیک میل بھی کیا گیا۔