سموگ ختم کرنے کیلئے ہمیں اپنے لائف سٹائل میں تبدیلی لانا ہوگی: عظمیٰ بخاری

وزیراطلاعات پنجاب کا بیان

لاہور (ڈیلی پاکستان آن لائن) وزیراطلاعات پنجاب عظمیٰ بخاری نے کہا ہے کہ سموگ کو کم کرنے کیلئے ہمیں اپنے لائف سٹائل میں تبدیلی لانا ہوگی۔

یہ بھی پڑھیں: پنجاب؛ یومیہ اجرت پر جنگلوں میں کام کرنے والے مزدوروں کی ادائیگی کے لیے جدید نظام متعارف

تشویشناک صورتحال

ایک بیان میں صوبائی وزیر نے کہاکہ ملتان اور فیصل آباد کے حوالے سے میرے لیے بھی خبریں آج تشویشناک ہیں۔ فیصل آباد ویسے بھی انڈسٹریل سٹیٹ ہے۔ ہماری پوری حکومتی مشینری سڑکوں پر کھڑی ہے، گزشتہ 8 ماہ میں سینکڑوں بھٹوں میں سے کئی مسمار کئے گئے۔ ہم بھٹوں کو زگ زیگ ٹیکنالوجی پر لارہے ہیں، جو اس ٹیکنالوجی پر نہیں جائیں گے وہ پنجاب میں کام نہیں کرسکیں گے۔

یہ بھی پڑھیں: میں تو بس دسمبر ہوں۔۔۔

عالمی تناظر

انہوں نے کہا کہ ایسا نہیں کہ سموگ صرف پاکستان میں ہے، باقی ممالک میں نہیں۔ بیجنگ آخری 26 سالوں سے سموگ سے مقابلہ کررہا ہے، وہ بھی سموگ میں کمی لانے کی کوشش کررہے ہیں، وہ لوگ اپنی انڈسٹری کو بیجنگ سے دور لے کر جارہے ہیں۔

یہ بھی پڑھیں: ملک کو مزید نئے یا “آخری کارڈ” کی نہیں امن اور سیاسی استحکام کی ضرورت ہے،شیری رحمان

حکومت کے اقدامات

ان کا کہنا تھا کہ حکومت پاکستان بھی سموگ والے مسئلے پر اقدامات کررہی ہے، دہلی کی حکومت کو بھی اقدامات کرنا ہوں گے۔ بھارت بھی سموگ کے معاملے پر فکرمند ہے۔

یہ بھی پڑھیں: قرضے بھی بلند ترین سطح پر پہنچ گئے

بھارت کے ساتھ تعاون

عظمیٰ بخاری کا کہنا تھا کہ چین بھی بہت بڑا ملک ہے، ان کے شہر سے باہر انڈسٹریز لگ سکتی ہیں۔ ہمارے شہر کے باہر دوسرا شہر شروع ہوجاتا ہے۔ سموگ کو کنٹرول کرنے کیلئے تمام اقدامات کئے جارہے ہیں۔ بھارت کو لکھا خط فارن آفس چلا گیا ہے یا نہیں، اس کو چیک کرنا ہوگا۔

یہ بھی پڑھیں: ریلویز میں 550 اسامیوں کے لیے 30 ہزار 247 درخواستیں موصول

مل کر کام کرنے کی ضرورت

صوبائی وزیر نے کہا کہ بھارت بھی سموگ والے معاملے پر کام کرنے کیلئے تیار ہے۔ ہمیں ایک دوسرے کے ساتھ مل کر کام کرنا ہوگا۔ اگر سموگ ڈپلومیسی شروع ہوجائے تو اس سے بہتر کوئی بات نہیں ہوسکتی۔ سموگ پر کام بھارت کو بھی کرنا ہوگا، ان کے پاس اور کوئی چوائس نہیں، ہمیں بھی اپنے لوگوں کو مرنے سے بچانا ہوگا۔