پوتے پوتیوں میں چھپ کر ٹافیاں اور سوڈا بانٹنے والے ڈونلڈ ٹرمپ کا خاندان

سیاست میں آنے سے پہلے ڈونلڈ ٹرمپ نے ایک ملٹی ملین ڈالر کا کاروبار، ایک معروف برانڈ اور بہت ساری مہنگی جائیدادیں بنائی تھیں۔

اب یہ برانڈ اور نام رپبلکن پارٹی کے ساتھ جڑ چکا ہے جس میں ٹرمپ خاندان کے مختلف ارکان کا بڑا اثر و رسوخ ہے۔

ڈونلڈ ٹرمپ وائٹ ہاؤس میں واپسی کی تیاری کر رہے ہیں، آئیے ہم ان کے خاندان کے چند اہم افراد پر نظر ڈالتے ہیں۔

ڈونلڈ ٹرمپ جونیئر

ٹرمپ کے بچوں میں سب سے بڑے ڈونلڈ ٹرمپ جونیئر ہیں۔

انہوں نے اپنے والد کے وائٹ ہاؤس چھوڑنے کے بعد کے برسوں میں ٹرمپ کے خلاف الزامات اور دوبارہ صدارت کے حوالے سے ایک اہم کردار ادا کیا۔

وہ نائب صدر کے لیے جے ڈی وینس کے انتخاب کے دوران میڈیا میں نمایاں رہے، جنہیں وہ اپنا دوست مانتے ہیں۔ انہوں نے رپبلکن نیشنل کنونشن میں وینس کو ’بہترین انتخاب‘ قرار دیا۔

ڈونلڈ ٹرمپ جونیئر نے یہ بات چھپانے کی کوشش نہیں کی کہ اوہائیو کے سینیٹر جے ڈی وینس ان کا پہلا انتخاب تھے، اور یہ خواہش پوری ہوئی۔

ڈونلڈ ٹرمپ جونیئر نے وینیسا ٹرمپ سے پہلی شادی کی تھی، جن سے ان کے پانچ بچے ہیں۔ ونیسا سے طلاق کے بعد انہوں نے کمبرلی گلفائل کے ساتھ منگنی کی۔

یہ بھی پڑھیں: آج بھی مزدور کے ساتھ آئی اس کے گھر کی بنی روٹی، دال، سبزی اور اچار کبھی کبھی ان کے ساتھ بیٹھ کر کھاؤں تو گاؤں کے پرانے دن یاد آ جاتے ہیں

ایرک ٹرمپ

ایرک ٹرمپ، ٹرمپ کے بچوں میں تیسرے نمبر پر ہیں۔

رپورٹس کے مطابق، اپنے بھائی کی طرح ایرک ٹرمپ نے بھی اپنے والد کے اہم مسائل پر ان کی حمایت کی۔

بڑے بھائی کے مقابلے میں وہ عوامی سطح پر کم نظر آتے ہیں تاہم ٹرمپ خاندان کے کاروبار میں ان کی حیثیت و موجودگی نمایاں ہے۔

یہ بھی پڑھیں: ڈی چوک احتجاج کیس: علیمہ خان اور عظمیٰ خان کا مزید 2 روزہ جسمانی ریمانڈ منظور، جج نے محفوظ فیصلہ سنادیا

ایوانکا ٹرمپ اور جیرڈ کشنر

ایوانکا ٹرمپ اور جیرڈ کشنر وائٹ ہاؤس میں ٹرمپ کے پہلے دور میں مبینہ طور پر خاندان کے سب سے زیادہ بااثر افراد تھے۔

یہ جوڑا 2009 سے شادی شدہ ہے اور ان کے تین بچے ہیں۔

ٹرمپ کے دورِ صدارت میں ایوانکا نے اپنے والد اور ان کی انتظامیہ کی متعدد مواقع پر نمائندگی کی۔

ان کے شوہر کشنر نے 2017 سے 2021 تک وائٹ ہاؤس میں سینیئر مشیر کا کردار ادا کیا۔

یہ بھی پڑھیں: عمران خان حملہ کیس: مرکزی ملزم کو دو بار عمر قید اور جرمانے کا حکم

ٹفنی ٹرمپ

ٹرمپ کی چوتھی اولاد ٹفنی ہیں۔ ان کی والدہ ٹرمپ کی دوسری بیوی مارلا میپلز ہیں اور ٹفنی ان کی اکلوتی اولاد ہیں۔

انھوں نے اپنے والد کے دورِ صدارت میں کوئی عہدہ نہیں رکھا اور نہ ہی ان کی الیکشن مہم کا حصہ رہی ہیں۔

انھوں نے اپنے والد کی مہمات یا وائٹ ہاؤس میں وقت میں کوئی سیاسی کردار برقرار نہیں رکھا۔

ٹفنی کی شادی سنہ 2022 میں مائیکل بولوس سے ہوئی۔

یہ بھی پڑھیں: امریکی جیل سے 7 خطرناک قیدی بیت الخلا کی دیوار میں سوراخ کرکے فرار

کمبرلی گلفائل

کمبرلی گلفائل اور ڈونلڈ ٹرمپ جونیئر چھ سال سے ساتھ ہیں اور 2020 میں انھوں نے منگنی کر لی تھی۔

سنہ 2006 سے 2018 تک کمبرلی فاکس نیوز پر پریزینٹر تھیں۔ اس نوکری کو چھوڑ کر وہ ٹرمپ کی حمایتی پولیٹیکل ایکشن کمیٹی میں شامل ہوئیں۔

اپنے منگیتر کی طرح وہ عوامی سطح پر ٹرمپ کی حمایتی ہیں خاص طور پر ٹی وی اور سوشل میڈیا پر وہ کھلے عام ان کی حمایت کرتی ہیں۔

سنہ 2000 کے اوائل میں ان کی پہلی شادی کیلیفورنیا کے گورنر گیون نیوزوم سے ہوئی تھی۔

یہ بھی پڑھیں: بھارت مقبوضہ کشمیر پر اکڑ دکھائے گا لیکن اب۔۔۔؟ خواجہ آصف کھل کر بول پڑے

لارا ٹرمپ

لارا ٹرمپ ایرک کی اہلیہ ہیں اور ٹرمپ خاندان کا ایک ابھرتا ہوا ستارہ ہیں۔

اس سال کے آغاز سے وہ رپبلکن نیشنل کمیٹی کی شریک چیئرمین ہیں اور تب سے شہ سرخیوں کا حصہ ہیں۔

ان کے ایرک کے ساتھ دو بچے ہیں۔

اس سال جولائی میں لارا نے کنونشن میں تقریر کرتے ہوئے اپنے سسر کا ذکر بہت گرمجوش الفاظ میں کیا۔

انھوں نے کہا ’ہمارے خاندان کو جان سے مارنے کی دھمکیاں ملتی رہتی ہیں لیکن ایک بہو کے طور پر آپ ذہنی طور پر کبھی اس چیز کے لیے تیار نہیں ہوتے کہ ایک دن کوئی شخص آپ کے کسی پیارے کو مارنے کی کوشش کرے گا اور یہ سب آپ کی آنکھوں کے سامنے ہو رہا ہو گا۔‘

یہ بھی پڑھیں: سموگ اور دھند کے باعث موٹر وے بند

میلانیا ٹرمپ

خاتون اول کے طور پر دوسری مدت کے لیے وائٹ ہاؤس واپس آنے والی میلانیا ٹرمپ نے 2005 میں ٹرمپ سے شادی کی تھی۔