سیاسی لیڈر یا جماعت پاکستان سے بڑی نہیں، سب کیساتھ فراخ دلی کا مظاہرہ کیا: عطا تارڑ

وفاقی وزیر اطلاعات کی گفتگو

لاہور (ڈیلی پاکستان آن لائن) وفاقی وزیر اطلاعات و نشریات عطا اللہ تارڑ نے کہا ہے کہ کوئی سیاسی لیڈر یا سیاسی جماعت پاکستان سے بڑی نہیں۔ کچھ چیزیں سیاست اور سیاسی معاملات سے بالاتر ہونی چاہئیں۔ ہم نے تمام سیاسی جماعتوں کے ساتھ فراخ دلی کا مظاہرہ کیا۔

یہ بھی پڑھیں: کوئٹہ تعلیم کے میدان میں بہت آگے ہے، خواتین کیلئے یونیورسٹی اور میڈیکل کالج بھی ہے،یہاں گزرا ایک ایک دن خوبصورت لمحات کی یاد دلاتا ہے

یوم ولادت علامہ اقبال

شاعر مشرق کے یوم ولادت پر آج وفاقی وزیر اطلاعات و نشریات عطا اللہ تارڑ نے لاہور میں مزار اقبال پر حاضری دی اور فاتحہ خوانی کی۔

یہ بھی پڑھیں: انڈونیشیا کے صدر پرابوو سوبیانتو پاکستان پہنچ گئے

نفرت اور انتشار کے خلاف

مزار قائد پر حاضری کے بعد لاہور میں میڈیا سے گفتگو کرتے ہوئے وفاقی وزیر نے کہا ہے کہ نفرت اور انتشار پیدا کر کے بھائی کو بھائی سے لڑایا گیا، سوچے سمجھے منصوبے کے تحت معاشرے میں بگاڑ پیدا کیا گیا۔

یہ بھی پڑھیں: امریکہ سے اسلحے کی تازہ کھیپ اسرائیل پہنچ گئی

سیاسی ہم آہنگی کی ضرورت

ان کا مزید کہنا ہے کہ ہم دیگر سیاسی جماعتوں کے ساتھ اچھے تعلقات رکھنے کے خواہاں ہیں۔ آج افکار اقبال پر عمل کرنے کی ضرورت ہے۔ کلام اقبال مسلم امہ کو متحد کرنے کا ایک ذریعہ ہے۔ اقبال کے افکار نے برصغیر کے مسلمانوں میں آزادی کا جذبہ بیدار کیا۔

147 واں یوم ولادت

واضح رہے کہ آج شاعرِ مشرق علامہ اقبال کا 147 واں یومِ ولادت منایا جا رہا ہے، اس موقع پر لاہور میں مزار اقبال پر گارڈز کی تبدیلی کی تقریب منعقد ہوئی۔