محمد اشفاق بدایونی کی دوسری کتاب “عابد اسکوائر” کی جلد رونمائی متوقع

کتاب کی رونمائی

مکہ مکرمہ (محمدعامل عثمانی) محمد اشفاق بدایونی نے بتایا کہ ان کی دوسری کتاب "عابد اسکوائر" منظرِ عام پر آنے والی ہے، وہ روزنامہ پاکستان سے خصوصی گفتگو کررہے تھے۔

یہ بھی پڑھیں: سفیان مقیم کی 16 گیندیں اور ‘نئے پاکستان’ کی پہلی کامیابی

پہلی کتاب کا پس منظر

انہوں نے کہاکہ بات تو درست ہے مگر اسکے پس منظر میں حقیقت یہ ہے کہ میری پہلی کتاب "یارانِ نکتہ داں کے لیئے" میں ابواب کے تسلسل میں ایک باب اردو ناول نگاری کا بھی ہے اور اسی باب میں میرا اردو ناولٹ "عابد اسکوائر" شامل ہے۔ میں اس ناول کو ناول کے قارئین کے ذوقِ مطالعہ کی تسکین کے لیئے علحیدہ کتابی شکل میں لارہا ہوں۔

یہ بھی پڑھیں: جنوبی کوریا کے ایک ہوٹل سے جاننے والے کی رقم چرا کر بیرونِ ملک فرار کی کوشش کرنے والا چینی شخص ایئرپورٹ پر گرفتار

ناول کا موضوع

عابد اسکوائر ایک ایسا ناول ہے کہ جسکی اساس میں معاشرتی ناہمواریوں اور معاشی تنگی کے نتائج سے متاثر ہونے والے ایک گھر کی کہانی ہے۔ اس ناول میں انتہائی کوشش کی ہے کہ کرداروں کے عکس کو اس طرح پیش کروں کہ ناول پڑھنے والا اُن کرداروں کے سحر سے باہر نہ آسکے جب تک کہ وہ پوری کتاب نہ پڑھ لے۔

قلمکار کی کامیابی

میں سمجھتا ہوں کہ ایک قلمکار کا کمال یہی ہوتا ہے کہ اسکا قاری اسکے لکھے ہوئے لفظوں کے سحر میں جکڑ کے رہ جائے اور وہ اس کیفیت سے اس وقت باہر آۓ جب وہ تحریر کو مکمل پڑھ لے۔ اصل منصف قارئین ہی ہوتے ہیں۔ دعا کریں میری یہ کوشش پڑھنے والوں میں قبولیت عامہ حاصل کرے۔ آمین۔