دھند اور سموگ کے باعث مختلف ٹریفک حادثات میں 4 افراد جاں بحق

ٹریفک حادثات کے نتیجے میں جانی نقصان

بھکر(ڈیلی پاکستان آن لائن) دھند اور سموگ کے باعث مختلف مقامات پر ٹریفک حادثات میں 4 افراد جان کی بازی ہار گئے۔

یہ بھی پڑھیں: اسلام آباد میں سیلابی ریلے میں گاڑی سمیت بہہ جانے والے کرنل ریٹائرڈ اسحاق قاضی کی لاش مل گئی، بیٹی کی تلاش جاری

ایم ایم روڈ پر حادثہ

نجی ٹی وی چینل دنیا نیوز کے مطابق ریسکیو ذرائع کا کہنا ہے کہ ایم ایم روڈ پر مسافر بس سڑک کنارے کھڑے ٹریلر سے ٹکرا گئی۔ اس حادثے کے نتیجے میں 2 افراد جاں بحق جبکہ 10 زخمی ہوگئے۔ یہ حادثہ تیز رفتاری اور سموگ کے باعث پیش آیا، جبکہ مسافر بس اوچ شریف سے راولپنڈی جا رہی تھی۔

یہ بھی پڑھیں: ایڈووکیٹ ایمان مزاری اور شوہر ہادی علی چٹھہ نے وارنٹ گرفتاری اور دیگر عدالتی احکامات کو اسلام آباد ہائیکورٹ میں چیلنج کردیا

زخمیوں کی حالت

ذرائع کا کہنا تھا کہ نعشوں اور زخمیوں کو ہسپتال منتقل کر دیا گیا جبکہ متعدد کی حالت تشویشناک ہے۔

ٹھٹھہ میں چھ گاڑیوں کا حادثہ

اس کے علاوہ ٹھٹھہ میں قومی شاہراہ پر دھند کے باعث 6 گاڑیاں ٹکرا گئیں۔ اس حادثے میں 2 افراد جاں بحق جبکہ 14 زخمی ہوگئے۔ نعشوں اور زخمیوں کو سول ہسپتال ٹھٹھہ منتقل کر دیا گیا۔