بس جیے جا رہے ہیں خدا کے سہارے ۔۔۔۔

سعداللہ شاہ کا شعر

مصلحت کوشو اٹھو خواب لٹے جاتے ہیں
زندہ رہنے کے بھی اسباب لٹے جاتے ہیں

یہ بھی پڑھیں: لاہور کے شہریوں کے لیے ملکی تاریخ میں پہلی بار ٹرام ٹرین چلانے جارہے ہیں: وزیر اعلیٰ مریم نواز

حکومت کا شکوہ

کیا نوبت آگئی
حکومت شکوہ کررہی ہے "کام" کرنا چاہتے ہیں، اپوزیشن کرنے نہیں دیتی۔
اپوزیشن کہتی ہے کہ حکومت نااہل ہے، مسائل حل کرنے یا "کام" کرنے کی صلاحیت نہیں۔
عوام اپنے مسائل کے حل کیلئے "کام" کرنا چاہتی ہے لیکن اسے کام نہیں ملتا۔
کیا کوئی ہے جو "کام" کرنا چاہتا ہے یا "کام" کی بات کرے؟
بس جیے جا رہے ہیں خدا کے سہارے۔

یہ بھی پڑھیں: سندھ کے نئے گورنر کی حلف برداری تقریب آج ہوگی

آلودگی اور صحت کے مسائل

پینے کا پانی آلودہ، خوراک ملاوٹ شدہ، مہنگائی جان لیوا، ٹیکس بے شمار، اور اب سانس لینا بھی دشوار ہیں۔
صورتحال یہاں تک آ پہنچی ہے کہ بچے حکومتوں سے "کام" کروانے کیلئے عدالتوں کے دروازے کھٹکھٹا رہے ہیں۔
لاہور میں 3 سالہ بچی فضائی آلودگی کیخلاف عدالت عالیہ جا پہنچی ہے۔
3 سالہ بچی کا کہنا ہے کہ وہ اپنے دوستوں، کلاس فیلوز اور آئندہ نسل کی بہتری کے لیے درخواست دائر کر رہی ہے، کمسن بچے اور بزرگ فضائی آلودگی سے بری طرح متاثر ہو رہے ہیں۔

یہ بھی پڑھیں: بانی کی جیل میں حالت اور فراہم کردہ سہولیات سے متعلق کیس ؛سپریم کورٹ کا عمران خان کی آنکھ کا چیک اپ اور بچوں سے فون پر بات کرانے کی ہدایت

عدالتی مقدمات اور مالی مسائل

ملک بھر میں دہشت گردی کے 2273 مقدمات زیر التواء ہیں، جبکہ سندھ میں 1372 مقدمات فیصلوں کے منتظر ہیں۔
سپریم کورٹ میں 97 ارب کے 3 ہزار 496 مالیاتی مقدمات زیر التوا ہیں۔
وفاقی حکومت نے سپریم کورٹ اور ہائی کورٹ ججز کے ہاؤس رینٹ اور جوڈیشل الاؤنس میں بڑا اضافہ کیا ہے۔

یہ بھی پڑھیں: منڈی بہاؤالدین: اسسٹنٹ کمشنر نے سپیشل پرسنز کی حوصلہ افزائی کی مثال قائم کردی

بجلی اور محنت کشوں کی مشکلات

مہنگی بجلی کے باعث 30 فیصد انڈسٹری بند ہو چکی ہے، لاکھوں مزدور بے روزگار ہو چکے ہیں۔
30 ہزار روپے ماہانہ کمانے والے محنت کش طبقے کی آدھی آمدن بجلی کے بل ادا کرنے میں خرچ ہو رہی ہے۔
وفاقی وزیر پاور ڈویژن کی خواہش ہے کہ "عوام سردیوں میں گیس کی جگہ بجلی استعمال کریں۔"

یہ بھی پڑھیں: سعودی عرب کے ساتھ معاہدہ خوشگوار سرپرائز، مجھے نہیں لگتا 27 ستمبر کو پی ٹی آئی کا جلسہ کامیاب ہوگا، احتجاج کی حکمت عملی کہاں گئی؟ شیر افضل مروت

تازہ مالیاتی چیلنجز

وزیر خزانہ نے گھنٹی بجا دی ہے کہ موجودہ مالی سال کے اندر ٹیکس میں اضافہ نہ ہوا تو تنخواہ دار طبقے اور صنعتوں پر ٹیکس بوجھ بڑھانا ہوگا۔

یہ بھی پڑھیں: دنیا سے الگ تھلگ رہنے والے قبیلے سے ملنے کی کوشش پر امریکی یوٹیوبر گرفتار کرلیا گیا

مشکلات کی فہرست

معاشی مسائل، بے روزگاری، مہنگائی، اور عوامی مسائل کبھی "نا معلوم افراد" کے بارے میں، کبھی "لا پتہ افراد" کے بارے میں ہیں۔
سینیٹ کی قائمہ کمیٹی نے انکشاف کیا ہے کہ راول ڈیم میں روزانہ 9 ملین گیلن سیوریج جا رہا ہے۔

یہ بھی پڑھیں: ٹک ٹاکر خاتون سے مبینہ اجتماعی زیادتی کے الزام میں مرکزی ملزم مولا بخش جکھرانی گرفتار

پی آئی اے کا مستقبل

وفاقی وزیر خزانہ واضح الفاظ میں کہہ چکے ہیں کہ "حکومت پی آئی اے کو رکھ نہیں سکتی، دوبارہ نجکاری ہوگی۔"

یہ بھی پڑھیں: یہ فاشسٹ حکومت کا طرزِ عمل ہے کہ عمران خان سے کسی کو ملنے نہیں دیا جا رہا،اسد قیصر

گندم کے بقایاجات

وفاق اور صوبے پاسکو کے نادہندگان ہیں۔
وزارت خزانہ کے اجلاس کی "اندرونی کہانی" کے مطابق مختلف حکومتوں پر پاسکو کے بڑے بقایاجات ہیں۔

یہ بھی پڑھیں: جے یو آئی نے عمران خان سے جیل میں ملاقات کی خبروں پر وضاحت جاری کردی

سرحدی مسائل اور بیروزگاری

پاک ایران بارڈر کی بندش کیوجہ سے لاکھوں نوجوان بے روزگار ہو چکے ہیں۔
اس وقت سرحدی علاقوں میں عوام کو باعزت روزگار کی فراہمی ضروری ہے۔

یہ بھی پڑھیں: خیبرپختونخوا کابینہ میں توسیع کا فیصلہ، نئے وزراء کے لئے مشاورت شروع

جرائم کی بڑھتی ہوئی شرح

شہروں میں بھکاریوں اور منشیات کے عادی افراد کی بھرمار ہے۔
کراچی اور لاہور میں امن و امان کی صورتحال سنگین ہو چکی ہے۔

یہ بھی پڑھیں: 200 یونٹ والی بدمعاشی ختم کریں؛ نعمان اعجاز بجلی کے بڑھتے نرخوں پر برہم

بیماریوں کی بڑھتی ہوئی شرح

پاکستان میں ایک سال کے دوران ساڑھے 3 لاکھ افراد فالج کا شکار ہوجاتے ہیں، اور 40 فیصد حصے کی موت واقع ہوجاتی ہے۔

یہ بھی پڑھیں: بین الاقوامی طلباء نے ڈریگن کشتی مقابلے کے ذریعے چینی ثقافت کو اپنالیا

اجلاس میں ہنگامہ آرائی

مقبوضہ کشمیر کی نو منتخب اسمبلی کے اجلاس میں ہنگامہ آرائی ہوئی۔ ان لوگوں کا حشر یہی ہوتا ہے جو "کام" نہیں کرتے۔

شعرِ اخیر

کیسا آسیب ہے بستی میں کوئی شاد نہیں
لوگ رہتے ہیں مگر جیسے کہ آباد نہیں

نوٹ: ادارے کا لکھاری کی آراء سے متفق ہونا ضروری نہیں