گھر بیٹھ کر تنقید کرنے والوں کو تحریک انصاف کا نہیں سمجھتا: علی امین گنڈاپور

وزیراعلیٰ خیبرپختونخوا کا ردعمل

صوابی (ڈیلی پاکستان آن لائن) خیبرپختونخوا کے وزیراعلیٰ علی امین گنڈاپور نے کہا ہے کہ جو لوگ گھر میں بیٹھ کر تحریک انصاف پر تنقید کر رہے ہیں، وہ ان کے نزدیک پی ٹی آئی کے نہیں ہیں۔

یہ بھی پڑھیں: بھارت کے سابق نائب وزیر اعلیٰ پنجاب کو توہین مذہب پر بیت الخلا صاف کرنے کی سزا

مقامی صحافی کا سوال

گزشتہ روز صوابی میں ایک جلسے کے دوران، وزیراعلیٰ سے مقامی چینل کے صحافی نے سوال کیا کہ 'کارکن ناراض ہیں، وزیراعلیٰ ڈی چوک پر ہمیں چھوڑ کر آگئے، اس کی ناراضی کو کیسے ختم کریں گے؟' اس پر علی امین نے جواب دیا کہ، 'جن کی بات کر رہے ہو، یہ خود اپنے گھر میں ہوتے تھے، یہ ڈی چوک میں ہوں گے بھی نہیں، میری پارٹی ہے، مجھے پتا ہے کون کیا ہے؟'

یہ بھی پڑھیں: سوڈان: مارکیٹ پر فضائی حملہ، 100 سے زائد افراد ہلاک

ناراض کارکنوں کا مسئلہ

صحافی کے ایک اور سوال پر وزیراعلیٰ نے کہا کہ 'ان کی ناراضی بھاڑ میں جائے، یہ خود باہر نکلتے نہیں ہیں، گھر میں بیٹھے رہتے ہیں اور باہر بیٹھ کر باتیں کرتے ہیں، جو لوگ جانے والے تھے، وہ اب بھی ساتھ ہیں۔' انہوں نے کہا کہ 'تنقید کرنے والے پہلے اپنی ویڈیو تو دکھائیں کہ خود کہاں تھے؟ یہ خود گھر میں لیٹ کر دوسروں پر تنقید کرتے ہیں۔'

تحریک انصاف پر تنقید کا جواب

علی امین گنڈاپور کا کہنا تھا کہ 'ایسے لوگوں کی ان کیئر نہیں کرتا، اور نا ہی یہ لوگ تحریک انصاف کے ہیں۔ جو گھر میں بیٹھ کر تحریک انصاف پر تنقید کر رہا ہے، میں اسے تحریک انصاف کا سمجھتا ہی نہیں ہوں۔'