190 ملین پاؤنڈ ریفرنس؛ عمران خان اور بشریٰ بی بی نے سوالنامے کے جواب جمع نہیں کرائے، سماعت 13 نومبر تک ملتوی

راولپنڈی میں 190 ملین پاؤنڈ ریفرنس کی سماعت

راولپنڈی (ڈیلی پاکستان آن لائن) 190 ملین پاؤنڈ ریفرنس میں عمران خان اور بشریٰ بی بی نے سوالنامے کے جواب جمع نہیں کرائے۔ وکیل صفائی نے کہا کہ اسلام آباد ہائیکورٹ نے حکم دیا ہے کہ پہلے بریت کی درخواستوں پر فیصلہ کیا جائے۔

یہ بھی پڑھیں: Sodi Arabia ya Pakistan: Kaun Musalman Ummah ki Qiyaadat Karega? – Fazlur Rehman

احتساب عدالت کی کارروائی

نجی ٹی وی چینل دنیا نیوز کے مطابق، اڈیالہ جیل راولپنڈی میں 190 ملین پاؤنڈ ریفرنس کی سماعت ہوئی۔ احتساب عدالت کے جج ناصر جاوید رانا نے سماعت کی، جہاں بانی پی ٹی آئی اور بشریٰ بی بی عدالت میں پیش ہوئے۔ ملزمان نے سوالنامے کے جواب جمع نہیں کرائے۔

یہ بھی پڑھیں: اسد حکومت کا خاتمہ، اسرائیل کا تاریخ کا سب سے بڑا فضائی آپریشن، شام کے مزید علاقوں پر قبضہ، آرمی، فضائیہ اور بحریہ کو تباہ کرکے رکھ دیا

وکیل صفائی کا بیان

وکیل صفائی نے کہا کہ اسلام آباد ہائیکورٹ کا حکم ہے کہ فی الحال بریت کی درخواستوں پر فیصلہ کیا جائے۔ عدالت نے کہاکہ اسلام آباد ہائیکورٹ کا اس حوالے سے کوئی حکمنامہ موصول نہیں ہوا۔ نیب پراسیکیوٹر نے کہا کہ ملزمان عدالت میں موجود ہیں اور ان کے 342 کے بیان ریکارڈ کیے جائیں۔

سماعت کی تاریخ

وکیل صفائی نے وضاحت کی کہ 79 سوالات پر مشتمل سوالنامہ ہے، جس کیلئے مزید وقت درکار ہے۔ انہوں نے 342 کے بیان کیلئے 14 دن کا وقت دینے کی درخواست کی۔ عدالت نے 190 ملین پاؤنڈ ریفرنس کی سماعت 13 نومبر تک ملتوی کر دی۔