بلوچستان کابینہ نے صوبے میں امن وامان سے متعلق ایکٹ کی منظوری دے دی

بلوچستان کابینہ کا اجلاس

کوئٹہ (ڈیلی پاکستان آن لائن) بلوچستان کابینہ نے صوبے میں بحالی امن کے لیے سکیورٹی اداروں کے مربوط اقدامات کو نتیجہ خیز بنانے سے متعلق ایکٹ کی منظوری دے دی۔

یہ بھی پڑھیں: فلپائن: سمندری طوفان ٹرامی سے تباہی، 40 افراد ہلاک، ہزاروں بے گھر

بم دھماکے کی مذمت

ڈان نیوز کے مطابق وزیر اعلیٰ سرفراز بگٹی کی زیر صدارت بلوچستان صوبائی کابینہ کا اجلاس ہوا جس میں ریلوے سٹیشن بم دھماکے کے شہدا کے لیے دعا کی گئی۔ صوبائی کابینہ نے ریلوے سٹیشن بم دھماکے کی شدید مذمت کی۔

یہ بھی پڑھیں: حکومت نے عوام میں رنج، غم اور نفرت پھیلائی ہے: شیخ رشید

نئے سکیورٹی ایکٹ کی منظوری

اجلاس میں بلوچستان سکیورٹی آف وینر ایبل اسٹیبلشمنٹ ایکٹ 2024 کی منظوری دی گئی۔ اس ایکٹ کے تحت بلوچستان میں بحالی امن کے لیے مختلف سکیورٹی اداروں کے مربوط اقدامات کو بار آور بنایا جائے گا، اور اس میں بحالی امن کے لیے ذمہ داریوں کا واضح تعین کیا جائے گا۔

یہ بھی پڑھیں: عمران خان کی اہلیہ بشریٰ بی بی نے سیاست میں باضابطہ انٹری دے دی، نجی نیوز چینل کا دعویٰ

نئے پولیس سٹیشنوں کا قیام

بلوچستان کابینہ نے راڑا شم اور کنگری میں نئے پولیس سٹیشنوں کے قیام کی منظوری دی، جبکہ چمن ماسٹر پلان لیویز تھانہ کے قیام کی منظوری بھی دی گئی۔

یہ بھی پڑھیں: بشریٰ بی بی کو عمران خان سے وفا کی سزا دی جا رہی ہے: بیرسٹر سیف

مالی فیصلے اور ترقیاتی منصوبے

صوبائی کابینہ نے بلوچستان سیلز ٹیکس آن سروسز ریونیو اپیلیٹ ٹریبونل کے چیئرمین اور اراکین کی تعیناتی کی بھی منظوری دی، اور کوئٹہ ڈویلپمنٹ پیکیج کے لیے درکار فنڈز کی بھی منظوری دی گئی۔

یہ بھی پڑھیں: ملک بھر میں بارش کی پیشگوئی

دہشت گردی کیخلاف عزم

اجلاس سے خطاب میں وزیراعلی بلوچستان سرفراز بگٹی نے کہا کہ دہشت گردی کے عفریت سے نمٹنے کے لیے سکیورٹی فورسز اور حکومت مل کر لڑیں گے۔ انہوں نے کہا کہ ہم دہشت گردی کا خاتمہ کرکے امن کی بحالی کو یقینی بنائیں گے۔

یہ بھی پڑھیں: ڈی چوک احتجاج کیس: علیمہ خان اور عظمیٰ خان کا مزید 2 روزہ جسمانی ریمانڈ منظور، جج نے محفوظ فیصلہ سنادیا

نئے پولیس سٹیشنوں کے حدود

وزیراعلیٰ بلوچستان نے ہدایت کی کہ صوبے میں مجوزہ نئے پولیس سٹیشنوں کی حدود کا تعین عوامی ضروریات سے ہم آہنگ کیا جائے۔

یہ بھی پڑھیں: آئینی ترمیم خفیہ طریقے سے لائی جارہی ہے، حصہ نہیں بنیں گے: اخترمینگل

کوئٹہ کی ترقی

انہوں نے کہا کہ کوئٹہ شہر پورے صوبے کا چہرہ ہے؛ صوبائی دارالحکومت کی بہتری کے لیے کوئٹہ ڈویلپمنٹ پیکیج کو وسعت دی جائے، اور شہر کی ترقی اور خوبصورتی کے لیے درکار فنڈز کا اجرا بلا تاخیر کیا جائے گا۔

حالیہ بم دھماکا

واضح رہے کہ دو روز قبل بلوچستان کے دارالحکومت کوئٹہ کے ریلوے سٹیشن میں خودکش دھماکے کے نتیجے میں خاتون سمیت 27 افراد جاں بحق اور 62 سے زائد زخمی ہوگئے تھے۔