بھارت میں پولیس اور باغیوں کے درمیان جھڑپ، 11 افراد ہلاک

مقابلے کا واقعہ

نئی دہلی (ڈیلی پاکستان آن لائن) بھارتی ریاست منی پور کے ضلع جیری بام میں باغیوں اور پولیس کے درمیان مقابلے کے نتیجے میں 11 جنگجو ہلاک ہوگئے۔

یہ بھی پڑھیں: پاکستان کا وہ علاقہ جہاں 3 روز کے لیے کرفیو نافذ کردیا گیا

پولیس کا بیان

بھارتی میڈیا کے مطابق پولیس کا کہنا ہے کہ مسلح کوکی باغیوں نے پولیس سٹیشن پر دو اطراف سے حملہ کیا تھا۔ پولیس سٹیشن کے ساتھ ہی مخالف قبیلے کے بے گھر افراد ایک ریلیف کیمپ میں مقیم تھے۔ پولیس ترجمان کا کہنا ہے کہ حملہ آوروں نے مخالف قبیلے کے پناہ گزین کیمپ کو نشانہ بنانے کی کوشش کی تھی۔

یہ بھی پڑھیں: بھارت میں اسرائیلی سفیر کی پریانکا گاندھی کے بیان پر تنقید، مودی سرکار خاموش، بین الاقوامی امور کے ماہر پروفیسر اشوک سوین نے سوال اٹھا دیا

پولیس کے اقدام

پولیس اہلکاروں نے پناہ گزینوں کو اپنی جانوں پر کھیل کر بچایا۔ بیان میں مزید کہا گیا ہے کہ سینٹرل ریزرو پولیس فورس کے ساتھ فائرنگ کے تبادلے میں 11 کوکی ہلاک ہوگئے جب کہ ایک سپاہی بھی زخمی ہوا۔ زخمی سپاہی کی حالت خطرے سے باہر بتائی جا رہی ہے۔

یہ بھی پڑھیں: ایران کی اسٹاک مارکیٹ غیر معینہ مدت کے لیے بند

ہتھیار کی برآمدگی

پولیس نے حملہ آوروں سے جو ہتھیار برآمد کرنے کا دعویٰ کیا ہے ان میں راکٹ سے چلنے والے گرینیڈ (RPGs) اور اے کے سیریز کی اسالٹ رائفلیں شامل ہیں۔

یہ بھی پڑھیں: شمالی وزیرستان میں دراندازی کرنے والے 8 ہلاک، خوارج کی شناخت ہو گئی، 2 افغان شہری نکلے

علاقے کی صورتحال

اس واقعے کے بعد سے علاقے میں صورتحال کشیدہ ہوگئی اور کسی ناخوشگوار واقعے سے نمٹنے کے لیے کرفیو نافذ کر دیا گیا۔

سول سوسائٹی کا موقف

دوسری جانب کوکی سول سوسائٹی گروپوں کا کہنا ہے کہ پولیس کی فائرنگ میں ہلاک ہونے والے "گاؤں کے رضاکار" تھے۔