انٹراپارٹی انتخابات کیس؛ پی ٹی آئی نے 21 اکتوبر کے فیصلے کیخلاف سپریم کورٹ میں دوسری نظرثانی درخواست دائر کر دی

پی ٹی آئی کی نظرثانی درخواست

اسلام آباد (ڈیلی پاکستان آن لائن) انٹراپارٹی انتخابات کے معاملے پر پی ٹی آئی نے 21 اکتوبر 2024 کے فیصلے کے خلاف دوسری نظرثانی درخواست دائر کر دی۔

یہ بھی پڑھیں: سپیکر پنجاب اسمبلی ملک احمد خان نے کس خاتون رکن کی اجلاس میں تعریف کر دی ؟ جانیے

درخواست کے اہم نکات

نجی ٹی وی چینل کے مطابق درخواست میں الیکشن کمیشن سمیت دیگر کو فریق بنایا گیا ہے۔ درخواست میں موقف اختیار کیا گیا ہے کہ سپریم کورٹ نے 21 اکتوبر کو یکطرفہ فیصلہ دیا ہے، جو کہ غیر قانونی ہے۔

درخواست کی استدعا

درخواست میں استدعا کی گئی ہے کہ نظرثانی درخواست پر دوبارہ سماعت کی جائے اور 13 جنوری اور 21 اکتوبر کے فیصلوں کے خلاف درخواست منظور کی جائے۔