منی بجٹ اور پٹرلیم مصنوعات پر جی ایس ٹی لگانے سے متعلق اہم فیصلہ

مذاکرات میں پیشرفت

اسلام آباد (ڈیلی پاکستان آن لائن) پاکستان اور آئی ایم ایف کے درمیان مذاکرات میں پیشرفت ہوئی ہے۔

یہ بھی پڑھیں: پاکستان ریلوے کا سفر 244 ٹرینوں سے 104 تک کیسے پہنچا، سیکرٹری ریلوے کا بڑا انکشاف

منی بجٹ اور ٹیکس کی صورتحال

ہم نیوز نے ذرائع کے حوالے سے دعویٰ کیا ہے کہ کوئی منی بجٹ نہیں آئے گا، 12 ہزار 970 ارب کا ہدف برقرار رہے گا جبکہ پٹرولیم مصنوعات پر جنرل سیلز ٹیکس بھی نہیں لگایا جائے گا۔

یہ بھی پڑھیں: بھارت: جہیز کے معاملے پر سسرالیوں نے خاتون کو بیٹے کے سامنے زندہ جلادیا

آئی ایم ایف کی تسلی

ہم نیوز کے ذرائع کا کہنا ہے کہ ایف بی آر کے مطابق آئی ایم ایف نے ٹیکس محصولات پر اطمینان کا اظہار کیا ہے۔ ٹیکس ٹو جی ڈی پی کی شرح 8.8 فیصد سے بڑھ کر 10.3 فیصد ہوگئی ہے، آئی ایم ایف ٹیکس ٹو جی ڈی پی میں 1.5 فیصد بہتری پر مطمئن ہے۔

یہ بھی پڑھیں: دھماکے میں جاں بحق چینی باشندوں کی میتیں چین روانہ

زرعی آمدن اور ٹیکس وصولی

زرعی آمدن پر ٹیکس وصولی اگلے سال سے شروع ہو جائے گی، اور آئی ایم ایف کے ساتھ مزید مذاکرات بھی ہوں گے۔

یہ بھی پڑھیں: روس کا یوکرین کے دوسرے بڑے شہر پر اب تک کا سب سے بڑا حملہ، متعدد عمارتیں تباہ

تاجر دوست اسکیم میں تبدیلی

آئی ایم ایف کے ساتھ تاجر دوست اسکیم میں کچھ تبدیلیوں پر بات چیت متوقع ہے۔ تین ماہ میں ریٹیلرز سے 12 ارب روپے ٹیکس جمع کیا گیا ہے۔

نئے تاجروں کی تعداد میں اضافہ

4 لاکھ نئے تاجروں نے ٹیکس گوشوارے جمع کرائے ہیں، جبکہ رجسٹرڈ تاجروں کی تعداد 2 لاکھ سے بڑھ کر 6 لاکھ تک پہنچ گئی ہے۔