توشہ خانہ ون کیس؛ نیب نے بانی پی ٹی آئی اور بشریٰ بی بی کی سزا کالعدم قرار دے کر کیس ریمانڈ بیک کرنے کی استدعا کردی

اسلام آباد ہائیکورٹ میں توشہ خانہ ون کیس

اسلام آباد (ڈیلی پاکستان آن لائن) اسلام آباد ہائیکورٹ میں توشہ خانہ ون کیس میں نیب نے بانی پی ٹی آئی اور بشری بی بی کی سزا کالعدم قرار دے کر کیس ریمانڈ بیک کرنے کی استدعا کردی۔ نیب پراسیکیوٹر نے کہا کہ بانی پی ٹی آئی اور بشری بی بی کی سزا کالعدم قرار دے کر کیس ریمانڈ بیک کردیا جائے۔

یہ بھی پڑھیں: کیا اب تک کسی ایرانی جوہری تنصیب کو نشانہ بنایا گیا یا نقصان ہوا؟ عالمی جوہری ادارے کا بیان بھی آ گیا

سماعت کا آغاز

نجی ٹی وی چینل جیو نیوز کے مطابق، بانی پی ٹی آئی اور بشری بی بی کی توشہ خانہ ون کیس میں سزا کے خلاف اپیلوں پر سماعت ہوئی۔ چیف جسٹس عامر فاروق اور جسٹس میاں گل حسن اورنگزیب نے سماعت کی۔ بانی پی ٹی آئی اور بشری بی بی کے وکیل علی ظفر نے دلائل کا آغاز کیا۔

یہ بھی پڑھیں: ریسکیو ٹیم موقع پر 15 منٹ میں پہنچ گئی تھی لیکن وقت کم اور پانی کا بہاؤ بہت تیز تھا: ڈی جی ریسکیو کے پی کے

استثنیٰ کی درخواست

بیرسٹر علی ظفر نے کہا کہ بشری بی بی کی جانب سے استثنیٰ کی درخواست دائر کرنا چاہتا ہوں۔ چیف جسٹس عامر فاروق نے کہا کہ آپ دے دیں، اس متعلق پریشان نہ ہوں، آرڈر کردیں گے۔ علی ظفر نے یہ بھی بتایا کہ نیب پراسیکیوٹر نے استثنیٰ کی درخواست پر اعتراض نہیں کرنے کا کہا۔

یہ بھی پڑھیں: ضمنی انتخاب میں جیت ،عوام نے انتشار کی بجائے ترقی و خوشحالی کے حق میں فیصلہ سنادیا: وزیرِاعظم

پراسیکیوٹر کا موقف

چیف جسٹس عامر فاروق نے استفسار کیا کہ کیا پیپرز باکس بنی ہوئی ہیں؟ پراسیکیوٹر امجد پرویز نے کہا کہ میں توشہ خانہ کیس میں سزا کے طریقہ کار سے متفق نہیں ہوں۔ میں نے اعتراف کرتے ہوئے بانی پی ٹی آئی اور بشری بی بی کی سزا معطل کرنے کا بیان دیا تھا۔

یہ بھی پڑھیں: بیٹے پر جادو ٹونے کا الزام، گینگ لیڈر کے ہاتھوں بزرگوں کا قتلِ عام، 184 افراد ہلاک

مکالمہ اور دلائل

چیف جسٹس نے امجد پرویز سے مکالمہ کرتے ہوئے کہا کہ ہمیں پہلے علی ظفر کو سن تو لینے دیں کہ وہ کیا کہتے ہیں۔ بیرسٹر علی ظفر نے کہا کہ یہ ایک جیل ٹرائل تھا، 29 جنوری کو جرح کا حق ختم کیا گیا، 30 جنوری کو بشری بی بی کا 342 کا بیان رات 11 بجے کے قریب ریکارڈ کیا گیا۔

یہ بھی پڑھیں: قومی کرکٹ ٹیم ٹیسٹ سیریز کے لیے آئندہ ماہ بنگلا دیش کا دورہ کرے گی

عدالت کی ہدایات

اسلام آباد ہائیکورٹ نے علی ظفر کو بانی پی ٹی آئی اور بشری بی بی سے ہدایات لینے کیلئے وقت دیا۔ چیف جسٹس عامر فاروق نے کہا کہ علی ظفر صاحب، آپ نیب پراسیکیوٹر کے بیان پر کیا کہتے ہیں؟ بیرسٹر علی ظفر نے کہا کہ میں اس حوالے سے اپنی گزارشات رکھنا چاہتا ہوں۔

سماعت کا نتیجہ

جسٹس حسن اورنگزیب نے کہا کہ دو ہی طریقے ہیں: ایک تو آپ امجد پرویز کی بات مان لیں، یا پھر کیس ٹرائل کورٹ میں فرد جرم سے دوبارہ شروع ہو۔ اگر آپ یہ دونوں نہیں مانتے تو ہم پھر تکنیکی خرابیوں کی طرف جائیں گے۔ بیرسٹر علی ظفر نے کہا کہ میری نظر میں سزا کا یہ فیصلہ برقرار رہ ہی نہیں سکتا۔ عدالت نے بانی پی ٹی آئی اور بشری بی بی کی سزا کے خلاف اپیلوں پر سماعت 21 نومبر تک ملتوی کردی۔