لاہور اور ملتان میں تمام کالجز اور یونیورسٹیز بھی بند کردی گئیں ، سموگ کے باعث پابندیوں کا نوٹیفکیشن جاری

پنجاب میں سموگ کے سبب پابندیاں

لاہور(ڈیلی پاکستان آن لائن)پنجاب کے محکمہ ماحولیات نے سموگ کے باعث لاہور اور ملتان میں پابندیوں کا نوٹیفکیشن جاری کر دیا۔

یہ بھی پڑھیں: پاک آسٹریلیا ون ڈے سیریز کا پہلا میچ آج کھیلا جائے گا.

نوٹیفکیشن کی تفصیلات

نوٹیفکیشن کے مطابق لاہور اور ملتان میں پابندیوں کا اطلاق 16 سے 24 نومبرتک ہوگا۔ لاہور اور ملتان میں سموگ کے باعث ہیلتھ ایمرجنسی نافذ کر دی گئی ہے۔

یہ بھی پڑھیں: صدر مملکت کا 8 خارجیوں کیخلاف کامیاب کاروائیوں پر سیکیورٹی فورسز کو خراج تحسین

ہیلتھ ایمرجنسی کے اقدامات

نوٹیفکیشن کے مطابق طبی عملے اور پیرامیڈیکل سٹاف کی چھٹیاں منسوخ کر دی گئیں، اور تمام سرکاری ہسپتالوں میں او پی ڈیز رات 8 بجے تک کھلی رہیں گی۔ نجی و سرکاری ہسپتالوں میں سموگ سے متاثرہ مریضوں کیلئے خصوصی کاؤنٹر قائم ہوں گے۔ محکمہ صحت سموگ سے پھیلنے والی بیماریوں کی ادویات کی فراہمی یقنی بنائے گا۔ ریسکیو 1122 سموگ سے متاثرہ مریضوں کو ترجیحی بنیادوں پر سروسز فراہم کرنے کا نظام بنائیں گے۔

یہ بھی پڑھیں: محسن نقوی نے دبنگ خاتون افسر سیدہ شہر بانو کو پی سی بی میں اہم عہدہ دینے کا فیصلہ کر لیا

تعلیمی اداروں کی بندش

نوٹیفکیشن کے مطابق لاہور اور ملتان میں تمام کالجز اور یونیورسٹیز بھی بند رہیں گی۔ تمام تعلیمی اداروں میں آن لائن کلاسز ہوں گی، مری کے سوا باقی تمام اضلاع میں سموگ کے باعث سکولز 24 نومبر تک بند رہیں گے۔

یہ بھی پڑھیں: عمران خان کی زندگی کو بشریٰ بی بی سے خطرہ ہے اور ۔۔ فیصل واوڈا کا حیران کن دعویٰ

تعمیراتی سرگرمیوں پر پابندی

نوٹیفکیشن کے مطابق لاہور اور ملتان میں قومی اہمیت کے حامل منصوبوں کے سوا تمام تعمیراتی سرگرمیوں پر مکمل پابندی ہوگی۔ ہیوی ٹریفک کے داخلے پر بھی پابندی عائد ہوگی، لیکن ایندھن اور ادویات فراہم کرنے والی ہیوی گاڑیاں پابندی سے مستثنیٰ ہوں گی۔

خوراک اور دیگر خدمات

نوٹیفکیشن کے مطابق پولیس وینز، ایمبولینس اور ریسکیو کی گاڑیاں بھی پابندی سے مستثنیٰ ہوں گی۔ بھٹے اور فرنس آئل سے چلنے والی انڈسٹری مکمل بند رہیں گے۔ 4 بجے تک ریسٹورنٹس میں بیٹھ کر کھانے کی اجازت ہوگی، جبکہ رات 8 بجے تک ٹیک اوے کی اجازت ہوگی۔ میڈیکل اسٹورز، پٹرول پمپس، تندور، ڈیری شاپس اور کوریئر سروسز کھلی رہیں گی۔ یوٹیلٹی سروسز فراہم کرنے والے تمام ادارے پابندی سے مستثنیٰ ہوں گے جبکہ بڑے ڈپارٹمنٹل اسٹورز اور فارمیسی سیکشن کھلے رہیں گے۔