سرحد پر رہائش پذیر لوگوں کا واحد ذریعہ معاش باڈرز ٹریڈ ہے، صادق سنجرانی

صادق سنجرانی کا بیان

کوئٹہ (ڈیلی پاکستان آن لائن) سابق چیئرمین سینیٹ صادق سنجرانی نے ایک بیان میں کہا کہ سرحد پر رہائش پذیر لوگوں کا واحد ذریعہ معاش باڈرز ٹریڈ ہے۔

یہ بھی پڑھیں: ٹرمپ نے رابرٹ ایف کینیڈی جونیئر کو وزیر صحت نامزد کردیا

سرحدی تجارت کی اہمیت

ایکسپریس نیوز کے مطابق سابق چیئرمین سینیٹ صادق سنجرانی کا کہنا تھا کہ بلوچستان اور خیبرپختوانخواہ میں سرحد پر رہائش پذیر لوگوں کا ذریعہ معاش باڈرز ٹریڈ ہے۔ انہوں نے کہا کہ باڈرز ٹریڈ کی بندش کے بجائے ریگولیشن کا جدید نظام متعارف کرانا چاہیے۔

معاشی بحران کے خطرات

انہوں نے مزید کہا کہ روزمرہ باڈر ٹریڈ کی بندش سے لاکھوں افراد سطح غربت سے نیچے چلے جائیں گے، خاص طور پر بلوچستان میں شدید معاشی بدحالی اور مایوسی پھیلے گی۔ صادق سنجرانی نے کہا کہ موجودہ معاشی حالات میں معیشت مزید بے روزگاری اور غربت کا بوجھ برداشت نہیں کر سکتی۔ اس طرح عوام کے ذریعہ معاش پر قدغن سے ملک کا نوجوان ملک دشمن عناصر کا ایندھن بنے گا۔