کسان کارڈ زرعی ترقی کیلئے گیم چینجر ثابت ہو گا، پورٹل پر کتنی لاکھ درخواستیں موصول ہوئیں؟ اہم اعدادوشمار جاری

وزیر اعلی پنجاب کا کسان کارڈ: زراعت میں انقلابی تبدیلی

لاہور (ڈیلی پاکستان آن لائن) ترجمان محکمہ زراعت کے مطابق وزیر اعلی پنجاب کا کسان کارڈ زرعی ترقی اور کسانوں کی خوشحالی کے لیے ایک گیم چینجر ثابت ہو گا۔ اب تک پورٹل کے ذریعے 12 لاکھ 89 ہزار درخواستیں موصول ہو چکی ہیں۔

یہ بھی پڑھیں: سعودی ولی عہد کا گزشتہ 6ماہ کے دوران پاکستانی وزیراعظم سے پانچویں ملاقات پر خوشی کا اظہار

کسان کارڈ کی منظوری اور تقسیم

بینک آف پنجاب نے 4 لاکھ 87 ہزار درخواستوں کی منظوری دے دی ہے۔ کسانوں نے 3 لاکھ 61 ہزار سے زیادہ کارڈ وصول کر لیے ہیں۔

یہ بھی پڑھیں: پی ٹی آئی کی فائنل کال فلاپ ہوگئی ،عظمیٰ بخاری

کسان کارڈ کی تعداد میں اضافہ

ترجمان نے مزید کہا کہ وزیر اعلیٰ کی ہدایت پر کسان کارڈ کی تعداد 5 لاکھ سے بڑھا کر 7 لاکھ 50 ہزار کر دی گئی ہے۔ اب تک کاشتکاروں نے کسان کارڈ کے ذریعے 18 ارب روپے سے زائد کی خریداری کر لی ہے۔ کسان کارڈ کے ذریعے کاشتکار بیج، کھاد اور زرعی ادویات کی خریداری کر سکتے ہیں۔

یہ بھی پڑھیں: نیتن یاہو کو چھوڑ دو وہ اہم کام انجام دے رہے ہیں: ڈونلڈ ٹرمپ

زراعتی مداخل کی خریداری کی سہولت

کاشتکاروں کو صوبہ بھر میں 2600 رجسٹرڈ ڈیلرز سے گندم کی فصل کے لیے بلا سود قرضہ پر زرعی مداخل کی خریداری کی سہولت فراہم کی گئی ہے۔

یہ بھی پڑھیں: شاہ رخ خان کی بیٹی کے فون نمبر لیک کرنے والے کی شناخت سامنے آئی

کسان کارڈ کے لیے نئی ہدایات

ترجمان کے مطابق کسان کارڈ کے لیے غیر کمپوٹرائزڈ موضع جات کے کاشتکار بھی اہل ہوں گے۔ کسان کارڈ کے ذریعے زرعی مداخل کی خریداری کے ساتھ 30 فیصد تک رقم نکلوانے کی سہولت 20 نومبر سے فراہم کر دی جائے گی۔