حکومت پی ٹی آئی سے کوئی مذاکرات نہیں کر رہی، سینیٹر عرفان صدیقی نے تصدیق کردی

پی ٹی آئی کے مطالبات پر سینیٹر عرفان صدیقی کا ردعمل

اسلام آباد (ڈیلی پاکستان آن لائن) پاکستان مسلم لیگ (ن) کے سینیٹر عرفان صدیقی نے کہا ہے کہ پی ٹی آئی کے مطالبات بے تُکے ہیں، حکومت کوئی مذاکرات نہیں کر رہی۔

یہ بھی پڑھیں: معاون خصوصی وزیر اعلیٰ پنجاب راشد اقبال نصر اللہ کا لاہور کے مختلف زونز کا ہنگامی دورہ

عرفان صدیقی کے تحفظات

اپنے بیان میں عرفان صدیقی نے کہا کہ پی ٹی آئی کے چاروں مطالبات نان اسٹارٹر ہیں، کوئی رعایت نہیں دی جا سکتی۔ عمران خان اپنے جرائم کی سزا پا رہے ہیں، بند گلی میں آ جانے کے باعث پی ٹی آئی کے لیڈر اِدھر اُدھر ہاتھ پاﺅں مار رہے ہیں۔

یہ بھی پڑھیں: نور مقدم قتل کیس کے مجرم ظاہر جعفر کو نفسیاتی طور پر صحت مند قرار دے دیا گیا۔

2018 کے انتخابات میں دھاندلی کا ذکر

عرفان صدیقی کا کہنا تھا کہ 2018 کے انتخابات میں دھاندلی کا اقبال تو جنرل باجوہ کر چکے ہیں۔

پی ٹی آئی کو مشورہ

رہنما مسلم لیگ (ن) نے کہا کہ پی ٹی آئی 24 نومبر کی کال واپس لے لے تو اچھا ہے ورنہ حکومت آئین و قانون کے تحت عوام کی جان و مال کے تحفظ کیلئے اپنا فرض ادا کرے گی۔