پنجاب کی جیلوں میں ڈے کیئر سینٹرز بنانے کا فیصلہ

جیل ریفارمز ایجنڈا

لاہور ( ڈیلی پاکستان آن لائن ) وزیراعلی پنجاب کی ہدایت پر جیل ریفارمز ایجنڈا پر عملدرآمد جاری،محکمہ داخلہ نے پنجاب بھر کی جیلوں میں ڈے کئیر سینٹرز بنانے کا فیصلہ کر لیا ۔

یہ بھی پڑھیں: پاک بھارت کرکٹرز کو ایک ہی ٹیم میں کھیلتے دیکھنے کا امکان، مداحوں کے لیے خوشخبری

اجلاس کی تفصیلات

تفصیلات کے مطابق چیئرمین ٹاسک فورس رانا منان خان کی زیر صدارت محکمہ داخلہ میں جیل ریفارمز کے بارے میں اجلاس ہوا ۔ چیئرمین ٹاسک فورس رانا منان خان نے اجلاس سے خطاب میں کہا کہ وزیراعلیٰ پنجاب کے وژن کے مطابق جیلوں کو "اصلاحی مرکز" بنا رہے ہیں،عدالت سے واپسی پر جیل داخلے سے پہلے ہر قیدی کو سکینر سے چیک کیا جائے۔

یہ بھی پڑھیں: بنگلہ دیشی فوج نے استعفیٰ مانگا تو شیخ حسینہ واجد نے کیا جواب دیا؟ چیف پراسیکیوٹر محمد تاج الاسلام نے تفصیلات شیئر کردیں۔

اصلاحی اقدامات

چیئرمین ٹاسک فورس رانا منان خان کا مزید کہنا تھا کہ ایسے قوانین لا رہے ہیں کہ اسیران جیل سے نکلنے کے بعد معاشرے کے مفید شہری بنیں۔ انہوں نے اقلیتی برادری سے تعلق رکھنے والے قیدیوں کو جیل میں اپنے مذہب کے مطابق عبادت کی سہولت فراہم کرنے کی ہدایت کی اور جیل ہسپتالوں میں ایکسرے مشینوں کو فوری فعال کرنے کی ہدایت بھی کی ۔

شرکاء کی فہرست

اجلاس میں آئی جی جیل خانہ جات میاں فاروق نذیر، ایڈیشنل سیکرٹری پریزن عاصم رضا، اے آئی جی پریزن ڈاکٹر قدیر عالم، ایڈیشنل سیکرٹری کمیونیکیشن اینڈ ورکس نے بھی شرکت کی ۔