سٹاک مارکیٹ میں زبردست تیزی، نیا ریکارڈ قائم ہو گیا

کراچی اسٹاک ایکسچینج میں نئی بلندیاں

کراچی(ڈیلی پاکستان آن لائن) اسٹاک ایکسچینج (پی ایس ایکس) میں ریکارڈز بننے کا سلسلہ جاری ہے۔ جمعرات کو ٹریڈنگ کے دوران بینچ مارک کے ایس ای 100 انڈیکس پہلی بار 97 ہزار پوائنٹس کی بلند ترین سطح پر جا پہنچا۔

یہ بھی پڑھیں: پاکستانی سفارتخانے نے ایران سے پاکستان جانیوالے شہریوں کیلئے اہم ہدایات جاری کردیں

بینچ مارک انڈیکس کی کارکردگی

نجی ٹی وی چینل آج نیوز کے مطابق دوپہر ایک بج کر 35 منٹ پر بینچ مارک انڈیکس 1509.68 پوائنٹس یا 1.58 فیصد اضافے سے 97056.13 پوائنٹس کی بلند ترین سطح پر پہنچ گیا۔

یہ بھی پڑھیں: ایل این جی کی قیمت میں اضافہ

خریدار شعبے

آٹوموبائل اسمبلرز، کمرشل بینکوں، فرٹیلائزرز، فارماسیوٹیکل اور ریفائنری کے شعبوں میں خریداری دیکھی گئی۔ این آر ایل، حیسکول، پی ایس او، ای ایف ای آر ٹی، ایچ بی ایل اور این بی پی سمیت کمپنیوں کے حصص میں مثبت کاروبار ہوا۔

یہ بھی پڑھیں: اسرائیلی وزیراعظم اور سابق وزیر دفاع کے خلاف وارنٹ گرفتاری کا کیا مطلب ہے؟

ماہرین کے تبصرے

ماہرین کا کہنا ہے کہ 24 نومبر کو ہونے والے سیاسی احتجاج کے حوالے سے سرمایہ کاروں کے خدشات میں کمی کے باعث یہ خریداری دیکھنے میں آئی ہے۔ حالیہ ہفتوں میں مثبت میکرو اکنامک اشارے اور کلیدی پالیسی شرح میں مزید کمی کے تخمینوں کی وجہ سے اسٹاک مارکیٹ میں تیزی آئی ہے۔