الیکشن کمیشن نے عادل خان بازئی کو ڈی سیٹ کر دیا

الیکشن کمیشن کا فیصلہ

اسلام آباد (ڈیلی پاکستان آن لائن ) الیکشن کمیشن نے عادل خان بازئی کو نااہلی ریفرنس کا فیصلہ سناتے ہوئے ڈی سیٹ کر دیا۔

یہ بھی پڑھیں: بیماری اور اموات کا سبب بننے والے 17 خطرناک جرثوموں کی فہرست جاری

عادل بازئی کی سیاسی پس منظر

تفصیلات کے مطابق عادل بازئی ایک آزاد امیدوار منتخب ہونے کے بعد ن لیگ میں شامل ہوئے تھے۔ نوازشریف نے بطور صدر ن لیگ آرٹیکل 63 اے کے تحت عادل خان بازئی کی نشست خالی قرار دینے کیلئے ریفرنس سپیکر قومی اسمبلی کو بھجوایا تھا، جس پر سپیکر کی جانب سے الیکشن کمیشن کو درخواست کی گئی۔

یہ بھی پڑھیں: بالائی علاقوں میں چند مقامات پر بارش اور برفباری کا امکان

پارٹی ہدایت کی خلاف ورزی

عادل بازئی نے بجٹ سیشن کے دوران پارٹی ہدایت کی خلاف ورزی کی تھی۔ الیکشن کمیشن نے این اے 262 ون کی نشست کو خالی قرار دیدیا ہے۔

الیکشن کمیشن کا موقف

الیکشن کمیشن نے فیصلے میں کہا ہے کہ عادل بازئی نے 26 ویں آئینی ترمیم پر ووٹ نہیں دیا اور پارٹی کی پالیسی کی خلاف ورزی کی۔ مروجہ قوانین کے مطابق تمام ممبران پارٹی گائیڈ لائنز پر عمل کرنے کے پابند ہیں۔