راولپنڈی: بانی پی ٹی آئی، بشریٰ بی بی، علیمہ خان اور دیگر کیخلاف تھانہ ٹیکسلا میں مقدمہ درج

مقدمہ درج ہونے کی تفصیلات

راولپنڈی (ڈیلی پاکستان آن لائن) راولپنڈی کے تھانہ ٹیکسلا میں بانی پی ٹی آئی عمران خان، بشریٰ بی بی، علیمہ خان کے خلاف مقدمہ درج کر لیا گیا ہے۔ مقدمے میں عارف علوی، علی امین، شہریار ریاض، حماد اظہر اور اسد قیصر بھی نامزد ہیں۔

یہ بھی پڑھیں: وی پی این کے بغیر آئی ٹی انڈسٹری نہیں چل سکتی، چیئرمین پی ٹی اے

قانونی دفعات

نجی ٹی وی سما نیوز کے مطابق یہ مقدمہ انسداد دہشت گردی ایکٹ کے تحت درج کیا گیا ہے۔ اس میں ڈکیتی، اقدام قتل سمیت تعزیرات پاکستان کی دیگر دفعات بھی شامل ہیں۔ متن میں کہا گیا ہے کہ بانی پی ٹی آئی نے علیمہ خان کے ذریعے عوام کو 24 نومبر کے احتجاج کا پیغام دیا۔ بشریٰ بی بی نے 19 نومبر کے ویڈیو پیغام میں کارکنوں کو اسلام آباد پہنچنے کا کہا۔

خلاف قانون مجمع

ملزمان نے خلاف قانون مجمع اکٹھا کرکے کار سرکاری میں مداخلت کی۔