الیکشن کمیشن کے نااہل کرنے کے اختیار کیخلاف درخواست ، فل بنچ میں سماعت کیلئے درخواست چیف جسٹس کو ارسال
لاہور ہائیکورٹ کا فیصلہ
لاہور(ڈیلی پاکستان آن لائن) لاہور ہائیکورٹ نے الیکشن کمیشن کے نااہل کرنے کے اختیار کے خلاف درخواست فل بنچ میں سماعت کے لیے چیف جسٹس کو ارسال کردی۔
یہ بھی پڑھیں: پنجاب حکومت کا وکلاء کے مسائل حل کرنے کا مشن/ ساڑھے چار کروڑ روپے کی گرانٹس تقسیم
سماعت کی تفصیلات
نجی ٹی وی چینل اے آر وائی نیوز کے مطابق، الیکشن کمیشن کے نااہل کرنے کے اختیار کے خلاف درخواست پر سماعت ہوئی۔ جسٹس رسال حسن نے شہری کی درخواست پر سماعت کی۔ درخواست میں موقف اختیار کیا گیا کہ الیکشن ایکٹ 2017 کی سیکشن 137 کی شق چار آئین کے متصادم ہے، الیکشن کمیشن کسی کو نااہل نہیں کر سکتا اور نہ ہی عدالتی اختیارات استعمال کر سکتا ہے۔
عدالت کا نوٹ
عدالت نے کہا کہ درخواست میں اہم قانونی نکات اٹھائے گئے ہیں۔ عدالت نے نوٹ میں کہا کہ سماعت کے لیے فل بنچ تشکیل دیا جائے، لہٰذا لاہور ہائیکورٹ نے فل بنچ میں سماعت کے لیے درخواست چیف جسٹس کو بھیج دی۔
