سپورٹس اینڈ یوتھ افیئرز ڈیپارٹمنٹ کے زیر اہتمام کھیلتا پنجاب گیمز کے ڈویژنل سطح کے مقابلوں کا افتتاح کردیا گیا

افتتاحی تقریب کا آغاز

لاہور(سپورٹس رپورٹر) سپورٹس اینڈ یوتھ افیئرز ڈیپارٹمنٹ پنجاب کے زیر اہتمام کھیلتا پنجاب گیمز 2024ء کے ڈویژنل سطح کے مقابلوں کا افتتاح کردیا گیا ہے۔ رنگارنگ افتتاحی تقریب جمنیزیم ہال نشترپارک سپورٹس کمپلیکس میں منعقد ہوئی۔ کمشنر لاہور ڈویژن زید بن مقصود اور ڈائریکٹرجنرل سپورٹس پنجاب خضر افضال چوہدری نے لاہور ڈویژن کی سطح پر کھیلتا پنجاب گیمز کا افتتاح کیا ہے۔

یہ بھی پڑھیں: وی پی این بند کرنے سے پاکستانی معیشت کو کیا نقصان ہوگا؟ آئی ٹی ایکسپرٹ کنول چیمہ نے خبردار کردی

مقابلوں کی تفصیلات

کمشنر لاہور زید بن مقصود اور ڈی جی سپورٹس پنجاب خضر افضال چوہدری نے ڈویژنل سطح کے مقابلوں کی ٹرافی کی رونمائی کی اور بیڈمنٹن کھیل کر میچ کا افتتاح کیا۔ کھیلتا پنجاب گیمز کے ڈویژنل سطح کے مقابلوں کا آغاز آج 25نومبر سے پنجاب کے تمام ڈویژنز میں ہوجائے گا، جو کہ 25نومبر سے 4دسمبر تک جاری رہیں گے۔

یہ بھی پڑھیں: قطر سے واپسی پر وہاب علی کی ہلاکت پر کرم میں احتجاج جاری: “میں مسافر ہوں اور راستہ کھلنے کا انتظار کر رہا ہوں”

کھیلتا پنجاب گیمز کے پیغام

کمشنر لاہور زید بن مقصود نے افتتاحی تقریب سے خطاب کرتے ہوئے کہا کہ کھیلتا پنجاب گیمز 2024 کے ضلعی سطح کے مقابلے کامیابی سے منعقد ہوچکے ہیں۔ اب 25نومبر سے پورے پنجاب کے تمام ڈویژنز میں ڈویژنل سطح کے مقابلے شروع ہوگئے ہیں۔ کھیلتا پنجاب گیمز میں ایک لاکھ بیس ہزار کھلاڑی حصہ لے رہے ہیں۔ وزیراعلیٰ پنجاب کے ویژن کے تحت کھیلتا پنجاب گیمز کے مقابلے ضلعی سطح سے لے کر صوبائی سطح تک منعقد ہورہے ہیں۔

یہ بھی پڑھیں: حکومت نے 4300 بھکاریوں کے نام ای سی ایل میں ڈال دیے

نظامت اور اہتمام

کمشنر لاہور زید بن مقصود نے مزید کہا کہ کھیلوں سے صحت مند معاشرہ تشکیل پاتا ہے۔ ڈویژن سطح پر چاروں اضلاع کے بہترین ونر کھلاڑی اور ٹیمیں آمنے سامنے ہوں گی۔ ڈی جی سپورٹس پنجاب خضر افضال چوہدری اور ان کی ٹیم نے کھیلتا پنجاب گیمز کے لیے بہترین انتظامات کیے ہیں۔

افتتاحی تقریب کی مخصوصیات

ڈائریکٹرجنرل سپورٹس پنجاب خضر افضال چوہدری نے افتتاحی تقریب کے موقع پر کمشنر لاہور زید بن مقصود کو سوینئر پیش کیا۔ افتتاحی تقریب میں ڈویژنل سپورٹس آفیسر لاہور رانا ندیم انجم نے بھی خطاب کیا۔ افتتاحی تقریب کے موقع پر ڈائریکٹر سپورٹس یاسمین اختر، ڈائریکٹر ایڈمن ڈاکٹر محمد کلیم، ڈائرکٹر یوتھ افیئرز رانا ندیم انجم، ڈپٹی ڈائریکٹرز ظہور احمد، عطاء الرحمن، چاند پروین، ڈسٹرکٹ سپورٹس آفیسر لاہور تنویر عباس اور مرد و خواتین کھلاڑیوں کی بڑی تعداد موجود تھی۔