پی ٹی آئی مظاہرین کے تشدد سے پولیس کانسٹیبل شہید

اسلام آباد میں پی ٹی آئی کے قافلے

اسلام آباد(ڈیلی پاکستان آن لائن) پاکستان تحریک انصاف (پی ٹی آئی) کے قافلے وفاقی دارالحکومت اسلام آباد کی جانب گامزن ہیں اور مختلف مقامات پر مظاہرین اور پولیس کے درمیان تصادم کے واقعات سامنے آئے ہیں۔

یہ بھی پڑھیں: If Ali Amin Can Reach the PM House, Why Not D-Chowk? Faisal Vawda

پولیس کانسٹیبل کی شہادت

ہکلہ انٹرچینج پر پرتشدد مظاہرین کے تشدد سے پنجاب پولیس کا کانسٹیبل شہید ہوگیا۔ کانسٹیبل مبشر، جو 46 سال کا تھا، سر پر چوٹ لگنے کے باعث اپنی جان سے ہاتھ دھو بیٹا۔ کانسٹیبل مبشر کا تعلق مظفر گڑھ سے تھا اور وہ تین بچوں کا والد تھا۔

یہ بھی پڑھیں: لاہور ہائیکورٹ نے کم از کم اجرت ایک ہزار ڈالرز کرنے کی درخواست ناقابل سماعت قراردیدی

زخمی اہلکاروں کی تعداد

رپورٹ کے مطابق شر پسندوں کی طرف سے تشدد کی وجہ سے 70 پولیس اہلکار زخمی ہوئے ہیں، جنہیں سر، بازو اور ٹانگوں پر چوٹیں آئیں۔ سی سی ٹی وی فوٹیجز کی مدد سے شرپسند حملہ آوروں کی شناخت کا عمل جاری ہے۔

کٹھی پہاڑی پر گولیاں چلنے کا واقعہ

اٹک پولیس حکام کے مطابق کٹی پہاڑی پر بھی گولی لگنے سے 2 پولیس اہلکار شدید زخمی ہوئے۔ حکام نے بتایا کہ پولیس اہلکار واجد کی گردن میں گولی لگی، جس کی حالت تشویشناک ہے، جبکہ دوسرے اہلکار سمیع اللہ کی ٹانگ پر گولی لگی ہے۔ زخمی اہلکار واجد فیصل آباد سے سپیشل ڈیوٹی پر اٹک آیا تھا، جبکہ سمیع اللہ کا تعلق سرگودھا سے ہے۔