وزیر اعلیٰ پنجاب سے ایشیائی ترقیاتی بینک کی کنٹری ڈائریکٹر برائے پاکستان ریزیڈنٹ مشن کی ڈاکٹر ایما ژاؤچن فین کی ملاقات

ملاقات کی تفصیلات

لاہور (ڈیلی پاکستان آن لائن) وزیر اعلیٰ پنجاب مریم نواز سے ایشیائی ترقیاتی بینک کی کنٹری ڈائریکٹر برائے پاکستان ریزیڈنٹ مشن، ڈاکٹر ایما ژاؤچن فین (Dr. Emma Xiaoqin Fan) نے ملاقات کی۔ اس ملاقات میں جاری ترقیاتی منصوبوں، معیشت کی مضبوطی اور بنیادی ڈھانچے کی بہتری کے لیے تعاون پر تبادلہ خیال کیا گیا۔

یہ بھی پڑھیں: سابق پاکستانی کھلاڑی نے سلمان آغا کے رن آؤٹ کو درست قرار دے دیا

تعاون کے شعبے

ملاقات میں زراعت، صحت، تعلیم، ماحولیاتی تحفظ اور ڈیجیٹل ڈیولپمنٹ پر تعاون بڑھانے پر غور کیا گیا۔ جلال پور ایریگیشن پراجیکٹ اور کلین انرجی کے بارے میں بات چیت کی گئی۔

یہ بھی پڑھیں: خواہش ہے پاکستان میں ہر دل خوش اور ہر چہرہ مسکراتا نظر آئے:وزیر اعلیٰ کا “مہربانی” کے عالمی دن پر پیغام

وزیر اعلیٰ کا بیان

ایشیائی ترقیاتی بینک کی کنٹری ڈائریکٹر، ڈاکٹر ایما ژاؤچن فین نے خواتین کی بااختیاری اور پنجاب حکومت کے عوامی فلاحی اقدامات کو سراہا۔ وزیر اعلیٰ نے ایشیائی ترقیاتی بینک کی پنجاب کے مختلف منصوبوں میں مالی و تکنیکی معاونت کی تعریف کی۔

یہ بھی پڑھیں: لاہور نجی ہوٹل آتشزدگی، ریسکیو 1122 ٹیموں نے 180 افراد کو بحفاظت نکال لیا، ایک ملازم جاں بحق، تمام آپریشن براہ راست دیکھ رہی ہوں، مریم نواز

پنجاب حکومت کی حکمت عملی

وزیر اعلیٰ مریم نواز نے اس موقع پر گفتگو کرتے ہوئے کہا کہ اے ڈی بی کا تعاون عوام کی خوشحالی اور معیشت کی بحالی میں اہم کردار ادا کر رہا ہے۔ پنجاب حکومت سماجی و اقتصادی ترقی کے لیے جامع منصوبہ بندی کے تحت آگے بڑھ رہی ہے۔ ایشیائی ترقیاتی بینک کے ساتھ مزید اشتراک کار، پنجاب میں ترقی کے مقاصد کو مزید تقویت دے گا۔

مستقبل کے تعاون کی توقعات

ڈاکٹر ایما ژاؤچن فین نے کہا کہ ایشیائی ترقیاتی بینک پاکستان، خصوصاً پنجاب کے ساتھ تعاون کو مزید وسعت دینے کا خواہاں ہے۔ پنجاب کی کلائیمٹ پالیسی ماحول اور معیشت کے لیے سودمند ثابت ہوگی۔