رینجرز اہلکاروں کو گاڑی کے نیچے کچلنے کیخلاف پنجاب اسمبلی میں مذمتی قرارداد جمع

مذمتی قرارداد جمع کروائی گئی

لاہور ( ڈیلی پاکستان آن لائن ) رینجرز اہلکاروں کو گاڑی کے نیچے کچلنے کیخلاف پنجاب اسمبلی میں مذمتی قرارداد جمع کروا دی گئی۔

یہ بھی پڑھیں: مریم نواز: عوام کو سوچنے کی دعوت – کیا ملک صرف مسلم لیگ (ن) کے دور میں ترقی کرتا ہے؟

پنجاب اسمبلی میں قرارداد

تفصیلات کے مطابق مسلم لیگ (ن) کی رکن پنجاب اسمبلی حنا پرویز بٹ نے پاکستان تحریک انصاف کے کارکنان کی جانب سے رینجرز اہلکاروں کو گاڑی کے نیچے کچلنے کے واقعے کے خلاف پنجاب اسمبلی میں قرارداد جمع کروائی۔

قرارداد کی تفصیلات

قرارداد میں کہا گیا ہے کہ یہ ایوان سری نگر ہائی وے پر شرپسندوں کی جانب سے 3 رینجرز اور 1 پولیس اہلکار کو کچلنے کی شدید مذمت کرتا ہے۔
مزید کہا گیا ہے کہ تحریک انصاف نامی شدت پسند تنظیم نے ایک منصوبہ بندی کے تحت وفاق پر چڑھائی کی ہے۔ قرارداد میں شدت پسندوں کے گروہوں پر سیکیورٹی فورسز کو نشانہ بنانے اور پولیس کی 20 سے زائد گاڑیوں کو نقصان پہنچانے کا الزام لگایا گیا۔
قرارداد میں وفاقی حکومت سے مطالبہ کیا گیا ہے کہ شدت پسندوں کے خلاف سخت کارروائی کی جائے اور عوام کے جان و مال کا تحفظ یقینی بنایا جائے۔