موٹر وے ایم ٹو، تھری، فور، الیون کو ٹریفک کیلئے کھول دیا گیا

پی ٹی آئی کا احتجاج ختم، موٹروے کھول دی گئی

اسلام آباد(ڈیلی پاکستان آن لائن)تحریک انصاف کی جانب سے احتجاج ختم کرنے کے اعلان کے بعد موٹر وے کھول دی گئی ہے۔

یہ بھی پڑھیں: اگست 2025 میں گاڑیوں کی فروخت میں سالانہ بنیاد پر 62 اور ماہانہ بنیاد پر 28 فیصد اضافہ

راستوں کی بحالی

نجی ٹی وی چینل ہم نیوز کے مطابق اسلام آباد اور لاہور کے روڈ بھی ٹریفک کیلئے بحال کر دیئے گئے ہیں، جہاں کنٹینرز موجود ہیں انہیں ہٹانے کا عمل جاری ہے۔ ترجمان موٹر وے پولیس کے مطابق موٹروے ایم 2 کو لاہور اسلام آباد ٹریفک کیلئے کھول دیا گیا ہے، جبکہ موٹروے ایم 11 کو لاہور سیالکوٹ ٹریفک کیلئے کھول دیا گیا ہے۔

یہ بھی پڑھیں: حکومتِ پنجاب کے زیر اہتمام سعودی عرب میں سکل ڈویلپمنٹ پروگرام کا انعقاد

موٹروے کی مکمل صورتحال

ترجمان کے مطابق موٹروے ایم 4 کو پنڈی بھٹیاں تا عبدالحکیم، موٹروے ایم 14 ہکلہ ڈیرہ اسماعیل خان، اور موٹروے ایم 3 کو بھی ٹریفک کیلئے کھول دیا گیا ہے۔

یہ بھی پڑھیں: سکینڈل کے باوجود فاروق لغاری صدر منتخب ہو گئے، اُن کے صدر بننے کے بعد صورتحال عجیب و غریب ہو گئی، بے نظیربھٹو اورلغاری میں اختلافات ہو گئے

لاہور میں ٹریفک کی صورتحال

ترجمان لاہور ٹریفک پولیس کا کہنا ہے کہ شہر کے تمام داخلی و خارجی راستے کھلے ہیں، لاہور اسلام آباد، لاہور سیالکوٹ موٹروے، اور ایسٹرن بائی پاس بھی کھول دیا گیا ہے۔ ٹریفک پولیس کا کہنا ہے کہ لاہور رنگ روڈ ٹریفک کیلئے کھلی ہے اور شہر کے اندر ٹریفک معمول کے مطابق رواں دواں ہے۔

اسلام آباد کی بحالی

دوسری جانب اسلام آباد میں ٹریفک بحال ہو گئی ہے۔ جہاں جہاں کنٹینرز لگا کر راستے بند کئے گئے تھے، ان رکاوٹوں کو ہٹا کر تمام سڑکیں ٹریفک کے لئے بحال کی جا رہی ہیں۔