موسم سرما کے آتے ہی چائے کی درآمد میں بڑا اضافہ

موسم سرما میں چائے کی درآمد میں اضافہ

اسلام آباد (ڈیلی پاکستان آن لائن) موسم سرما کے آتے ہی چائے کی درآمد میں 18.6 فیصد اضافہ ہوگیا۔

یہ بھی پڑھیں: وزیراعظم سے مطالبہ ہے کبھی کبھار پاکستان بھی تشریف لائیں، ایک ملک سے نکل کر دوسرے ملک چلے جاتے ہیں، اسد قیصر

چائے کی درآمد کے اعداد و شمار

ہم نیوز کے مطابق پاکستان ٹی امپورٹرز ایسوسی ایشن کے ترجمان نے کہا کہ ماہ ستمبر کے دوران ایک کروڑ کلو گرام سے زائد جبکہ ماہ اکتوبر کے دوران ایک کروڑ 10 لاکھ کلو گرام سے زائد چائے درآمد کی گئی تھی۔

یہ بھی پڑھیں: اگر پیسے کا اتنا ہی شوق ہے تو مجرمانہ لوگوں کو جوائن کرو

نومبر کی درآمد کی صورتحال

لیکن رواں ماہ نومبر کے دوران اب تک ایک کروڑ 20 لاکھ کلوگرام چائے درآمد کی گئی ہے۔ انہوں نے کہا کہ درآمد شدہ 32 لاکھ ڈالر کی چائے میں ایک کروڑ 14 لاکھ کلو گرام کالی اور 7 لاکھ کلو گرام سبز چائے شامل ہے۔

یہ بھی پڑھیں: سانحہ 9 مئی، فوجی عدالتوں میں سویلین کے ٹرائل سمیت اہم درخواستوں پر سماعت آج ہو گی

سماجی اثرات اور چائے کی اسمگلنگ

ترجمان نے کہا کہ پاکستان میں 40 سے 50 فیصد تک کالی چائے کی پتی مختلف ذرائع سے سمگل ہو کر بھی آ رہی ہے۔

یہ بھی پڑھیں: 26 نومبر، 4 اکتوبر احتجاج پر درج مقدمات؛ غیر حاضر ملزمان کے وارنٹ گرفتاری جاری

چائے کی درآمد کے ممالک

چائے کی درآمد سے متعلق ممالک کے نام بتاتے ہوئے انہوں نے کہا کہ جن ممالک سے پاکستان چائے درآمد کر رہا ہے ان میں کینیا، بنگلہ دیش، چین، ویتنام سمیت 13 ممالک شامل ہیں۔

افغانستان سے اسمگلنگ کا اثر

ترجمان نے مزید کہا کہ افغانستان سے چائے کی پتی کی اسمگلنگ سے بھی قومی خزانہ کو مالی نقصان پہنچتا ہے۔