صاحبزادہ حامد رضا کا پی ٹی آئی کور کمیٹی سے استعفیٰ ، اسمبلی رکنیت بھی چھوڑنے کا فیصلہ

سربراہ سنی اتحاد کونسل کا استعفیٰ

اسلام آباد (ڈیلی پاکستان آن لائن) سربراہ سنی اتحاد کونسل صاحبزادہ حامد رضا نے پاکستان تحریک انصاف (پی ٹی آئی) کی سیاسی کمیٹی اور کور کمیٹی سے استعفیٰ دے دیا۔

یہ بھی پڑھیں: سکھر، خانیوال، کوہاٹ، شاہین آباد اور کوٹری میں محکمہ ریلوے نے فیکٹریاں قائم کی ہوئی ہیں، بدقسمتی سے ان میں سے ایک فنڈز نہ ہونے کی وجہ سے بند ہو گئی۔

قومی اسمبلی کی رکنیت سے استعفیٰ

میڈ یا رپورٹس کے مطابق صاحبزادہ حامد رضا نے قومی اسمبلی کی رکنیت سے بھی استعفیٰ دینے کا فیصلہ کیا ہے۔ وہ بانی پی ٹی آئی سے ملاقات کرنے کے بعد قومی اسمبلی سے اپنا استعفیٰ پیش کریں گے۔

یہ بھی پڑھیں: سری لنکا کے خلاف سیریز کے لیے پاکستان کے اسکواڈ کا اعلان، اہم کھلاڑی کی واپسی

احتجاج کا فیصلہ

صاحبزادہ حامد رضا نے 24 نومبر کے احتجاج کے پیش نظر پارٹی تنقید اور اختلافات کی وجہ سے مستعفی ہونے کا فیصلہ کیا ہے۔

سیاسی کمیٹی میں شمولیت

بانی پی ٹی آئی کی گرفتاری کے بعد، صاحبزادہ حامد رضا کو پی ٹی آئی کی سیاسی اور کور کمیٹی میں شامل کیا گیا تھا۔ اس سے قبل پاکستان تحریک انصاف کے سیکرٹری جنرل سلمان اکرم راجا نے بھی پارٹی عہدے سے استعفیٰ دیا تھا۔ چیئرمین پی ٹی آئی بیرسٹر گوہر نے سلمان اکرم راجا کے استعفے کی تصدیق کردی ہے۔