سموگ تدارک کیس؛ لاہور ہائیکورٹ کی ہفتے میں 4روز سکولز تک کھلے رکھنے کی تجویز

سموگ تدارک کیس میں لاہور ہائیکورٹ کا فیصلہ

لاہور(ڈیلی پاکستان آن لائن) سموگ تدارک کیس میں لاہور ہائیکورٹ نے ہفتے میں 4روز سکولز تک کھلے رکھنے کی تجویز دی۔

یہ بھی پڑھیں: کچے کے علاقے میں ٹارگیٹڈ آپریشن، دو مغیوں کو بازیاب کروالیا گیا

عدالت کی سماعت اور سموگ پر پابندیاں

نجی ٹی وی سما نیوز کے مطابق لاہور ہائیکورٹ میں سموگ کے تدارک کے لیے دائر درخواستوں پر سماعت ہوئی۔ جسٹس شاہد کریم نے بیان دیا کہ سموگ سے عائد پابندیاں آہستہ آہستہ ختم کی جانی چاہیے تھیں، کیونکہ ایک دم پابندیاں ختم کرنے سے سموگ واپس آ سکتی ہے۔

یہ بھی پڑھیں: پاکستان کی خاطر اسٹیبلشمنٹ سے بات کرنے کے لیے تیار ہوں، عمران خان

تعمیراتی کام کی اجازت

جسٹس شاہد کریم نے ہفتے میں 3 دن تک تعمیراتی کام اور ہفتے میں 4 روز تک سکولز کھلے رکھنے کی تجویز دی۔ عدالت نے کہا کہ کمشنر لاہور نے قصور میں ٹیزریز کے حوالے سے اچھا کام کیا ہے۔

یہ بھی پڑھیں: گوجرانوالہ میں سوتیلی ماں نے 7 سال کی بیٹی کو قتل کردیا

محکمہ ماحولیات کی رپورٹ اور سرکاری گاڑیوں کی جانچ

عدالت نے محکمہ ماحولیات کو شوگر ملز اور دیگر فیکٹریز کے حوالے سے رپورٹ پیش کرنے کا حکم دیا۔ جج نے یہ بھی کہا کہ سرکاری گاڑیوں کا وہیکل انسپکشن اینڈ سرٹیفکیشن سسٹم سے ٹیسٹ کروایا جائے۔

صفائی کے اقدامات پر پابندیاں

لاہور ہائیکورٹ نے ہدایت کی کہ رش کے وقت سڑکوں پر صفائی نہ کی جائے۔ رش کے وقت صفائی سے سی او او ایل ڈبلیو ایم سی کے خلاف کارروائی ہوگی۔ عدالت نے سماعت منگل کے روز تک ملتوی کردی۔