بشریٰ بی بی کے سیاسی کردار کے حوالے سے بانی پی ٹی آئی کی بڑی بہن روبینہ خان کا بیان آ گیا

بشریٰ بی بی کا سیاسی کردار

لاہور (ڈیلی پاکستان آن لائن) بشریٰ بی بی کے سیاسی کردار کے حوالے سے بانی پی ٹی آئی کی بڑی بہن روبینہ خان کا تہلکہ خیز بیان آیا ہے۔

یہ بھی پڑھیں: وزیر تعلیم پنجاب کا سندس فاؤنڈیشن کے زیر اہتمام بلڈ کیمپ کا دورہ، مشترکہ کاوشوں کو سراہا

بشریٰ بی بی کی سیاسی سرگرمیاں

سوشل میڈیا پر دیئے گئے بیان میں روبینہ خان نے کہا کہ بشریٰ بی بی جیل سے آنے کے بعد سیاست میں متحرک کردار ادا کر رہی ہیں۔ بشریٰ بی بی کا سیاست میں کردار ادا کرنا کوئی نئی بات نہیں، پنجاب میں بزدار اور فرح گوگی کے ذریعے نظام کو چلانا سب کے سامنے ہے۔ مشال یوسف زئی کو بشریٰ بی بی کی نئی فرح گوگی کہا جا رہا ہے۔ جیل میں ہونے کے باوجود بھی، بشریٰ بی بی مبینہ طور پر مشال یوسف زئی کے ذریعے سیاست کرتی رہیں اور فیصلہ سازی و تقرریوں میں شامل رہی ہیں۔ مارچ کے دوران وہ علی امین گنڈاپور کے ساتھ اعلانات اور خطاب کرتی رہیں۔

یہ بھی پڑھیں: بیرون ملک مقیم پاکستانیوں نے گزشتہ پانچ ماہ میں کتنے ارب ڈالر پاکستان بھیجے؟

روبینہ خان کا بیان

"جنگ" کے مطابق روبینہ خان نے کہا کہ بانی پی ٹی آئی کی بہنیں سیاست میں نہیں ہیں اور نہ ہی پہلے تھیں۔ اُن کا سیاست میں کردار ادا کرنے کا کوئی ارادہ نہیں ہے۔ ہمارا کام بھائی کو نقصان سے بچانا اور ساکھ قائم رکھنا ہے، جیل سے جاری بانی پی ٹی آئی کے بیانات کو صحیح طریقے سے سامنے لانا ہے۔ ہم سب بہنوں کا کسی کے ساتھ کوئی مقابلہ نہیں، اور بہنوں کی حکومتی عہدے کے ذریعے مال کمانے کی قطعی خواہش نہیں۔

نئے اور پرانے پاکستان کی پہچان

روبینہ خان نے کہا کہ نئے اور پرانے پاکستان میں یہی فرق ہے، ہمیشہ کہا کہ پرانے پاکستان کی گندگی سے نیا پاکستان نہیں بن سکتا۔