علی پور: بیوی اور 7 بچوں کے سفاک قاتل کو 8 بار سزائے موت

مظفر گڑھ میں دلخراش قتل کیس

مظفر گڑھ (ڈیلی پاکستان آن لائن) ڈسٹرکٹ اینڈ سیشن کورٹ علی پور میں بیوی اور 7 بچوں سمیت 8 افراد کے قتل کیس کی سماعت ہوئی۔

یہ بھی پڑھیں: میرے ہاتھوں پر شوہر کا خون: پی ٹی آئی کے خلاف گرینڈ آپریشن کے بعد اسلام آباد کے ہسپتالوں میں بی بی سی کی ٹیم کی گواہی

عدالت کا فیصلہ

ایڈیشنل ڈسٹرکٹ اینڈ سیشن جج غلام مجتبٰی بلوچ نے مجرم سجاد کھوکھر کو جرم ثابت ہونے پر 8 بار سزائے موت اور 5 لاکھ روپے فی کس جرمانے کی سزا کا حکم دیا ہے۔

نجی ٹی وی چینل آج نیوز کے مطابق، عدالت نے اپنے فیصلے میں حکم دیا کہ جرمانے کی عدم ادائیگی پر ملزم کو مزید 6 ماہ سزا بھگتنا ہوگی۔

یہ بھی پڑھیں: دنیا کا سب سے بڑا پٹرول پمپ، ایک وقت میں 120 گاڑیاں فیول بھرواسکتی ہیں

واقعہ کی تفصیلات

مقدمہ کے مطابق، علی پور میں تھانہ صدر کی حدود مڈوالا میں 11 اپریل 2024 کو عیدالضحٰی کے دوسرے روز، مجرم سجاد نے گھریلو ناچاقی پر اپنی بیوی کوثر اور 7 بچوں کو کلہاڑیوں کے وار کرکے بیدردی سے قتل کر دیا تھا۔ مقتولین بچوں میں 4 ماہ کی منزہ، 2 سالہ انس، 3 سالہ سبحان، 4 سالہ مہناز، 6 سالہ رمشہ، 7 سالہ کنزہ اور 8 سالہ انسہ شامل ہیں۔

مجرم کی حیثیت

مجرم سجاد کھوکھر پیشے کے لحاظ سے درزی ہے اور ایک ٹانگ سے معذور ہے۔