فتنہ الخوارج کیخلاف کامیاب آپریشن قابل تعریف ، قوم کو پاک فوج پر فخر ہے:وزیراعظم شہباز شریف

سیکیورٹی فورسز کی کامیابی

اسلام آباد (ڈیلی پاکستان آن لائن) وزیراعظم شہباز شریف نے فتنہ الخوارج کے خلاف کامیاب آپریشن پر سیکیورٹی فورسز کی تعریف کی ہے۔

یہ بھی پڑھیں: حکومت کا رائٹ سائزنگ منصوبے کے تحت 30 ہزار 968 سرکاری ملازمتیں ختم کرنے کا فیصلہ

آپریشن کی تفصیلات

اسلام آباد سے جاری بیان میں وزیراعظم شہباز شریف نے کہا کہ 8 خوارج کو ہلاک اور 11 کو حراست میں لینے پر سیکیورٹی فورسز قابل تعریف ہیں۔ انہوں نے دوران آپریشن جام شہادت نوش کرنے والے کیپٹن محمد زوہیب الدین اور سپاہی افتخار حسین کو خراج عقیدت پیش کیا۔

قوم کی یکجہتی اور عزم

وزیراعظم کا مزید کہنا تھا کہ پوری قوم کو پاک فوج کے بہادر افسران و جوانوں پر فخر ہے۔ دہشت گردی کے مکمل خاتمے تک جنگ جاری رکھیں گے، اور دہشت گردوں اور ملک دشمنوں کے ناپاک عزائم کبھی کامیاب نہیں ہونے دیں گے۔