ٹرمپ کے ہاتھوں ہیلری کی شکست پر 2 سال سو نہیں پایا،موڈ ہمیشہ خراب رہتا، بل کلنٹن نے تہلکہ خیز انکشاف کردیا

بل کلنٹن کا اعتراف

واشنگٹن (ویب ڈیسک) امریکہ کے سابق صدر بل کلنٹن نے انکشاف کیا ہے کہ 2016 کے صدارتی انتخابات میں ری پبلکن امیدوار ڈونلڈ ٹرمپ کے مقابل اپنی اہلیہ ہیلری کلنٹن کی شکست کے بعد وہ 2 سال تک سو نہیں سکے۔

یہ بھی پڑھیں: پہلے آسٹریلیا اور پھر افریقہ، کپتان محمد رضوان نے اہم اعزاز حاصل کرلیا

مود خراب ہونے کا اعتراف

ایکسپریس کے مطابق رواں ماہ منظر عام پر آنے والی یاد داشتوں میں انھوں نے یہ بھی اعتراف کیا کہ ان کا موڈ ہمیشہ خراب رہتا تھا، میں ان تمام لوگوں سے معذرت چاہتا ہوں جنھوں نے میرے غصے کا سامنا کیا۔

یہ بھی پڑھیں: پہاڑوں کو موسمیاتی تبدیلی کا سامنا، تحفظ کیلئے نوجوان کردار ادا کریں: وزیراعظم

انتخابات کی تاریکی

انھوں نے 2016 کے صدارتی انتخابات کو ممکنہ طور پر امریکا کی تاریخ کے تاریک ترین انتخابات قرار دیا۔ کلنٹن نے کتاب میں جنسی جرائم کے معروف مجرم جیفری ایپسٹین کے ساتھ اپنے متنازع تعلق پر بھی روشنی ڈالی، جب 2005 میں جیفری ایپسٹین کو پہلی مرتبہ حراست میں لیا گیا تو میں نے اس سے رابطہ روک دیا۔

مونیکا لیونسکی کے ساتھ معاملہ

یاد رہے کہ کلنٹن نے وائٹ ہاؤس میں زیر تربیت ملازمہ مونیکا لیونسکی کے ساتھ اپنے جنسی تعلق کے حوالے سے غلط بیانی کی تھی۔ کلنٹن کے مطابق وہ مونیکا سے اور ہر اس شخص سے معافی مانگ چکے ہیں جس کے حق میں انھوں نے کوتاہی کی۔