دھرنے سے قبل اسٹیبلشمنٹ اور پی ٹی آئی کے درمیان رابطوں کا انکشاف، اندرونی کہانی سامنے آگئی

اسلام آباد میں دھرنے کی تیاری

اسلام آباد (ویب ڈیسک) 24 نومبر کے دھرنے سے قبل اسٹیبلشمنٹ اور تحریک انصاف کے درمیان رابطوں کا انکشاف ہوا ہے، تاہم احتجاج کی فائنل کال پی ٹی آئی اور اسٹیبلشمنٹ کے درمیان مذاکرات میں بریک اَپ کی وجہ بنی، وزیراعلیٰ خیبر پختونخوا اور پی ٹی آئی قیادت مصالحت میں کردار ادا کر رہے تھے۔

یہ بھی پڑھیں: ا بو سمبل کے مجسموں اور مندروں کو 300 کلومیٹر دور لے جا کر نئی جگہ پر نصب کرنا تھا، یہ کام مالیاتی اور تکنیکی وجوہات کی بناء پر مصریوں کیلئے ناممکن تھا.

پارلیمانی پارٹی اجلاس کی اندرونی کہانی

ایکسپریس کے مطابق تحریک انصاف کے پارلیمانی پارٹی اجلاس کی اندرونی کہانی سامنے آگئی، وزیراعلیٰ خیبر پختونخوا نے اجلاس کے ارکان کو 24 نومبر سے قبل اور بعد کی صورتحال کے حوالے سے آگاہ کیا۔

یہ بھی پڑھیں: حکومت نے ہمارا احتجاج کامیاب بنا دیا ہے، علی امین گنڈا پور

مذاکرات کی راہمواری

پی ٹی آئی ذرائع کے مطابق اجلاس کو بتایا گیا کہ 24 نومبر سے قبل تحریک انصاف اور اسٹیبلشمنٹ کے درمیان مذاکرات کے لیے راہموار کی گئی تھی، عمران خان کو بھی قائل کرنے کی کوششیں کامیاب ہونے لگی تھیں لیکن اس دوران عمران خان کی جانب سے 24 نومبر کو احتجاج کی کال دے دی گئی۔

یہ بھی پڑھیں: عمران خان کی 9 مئی سے متعلق مقدمات میں ضمانت خارج ہونے کا تحریری فیصلہ جاری

اجلاس کی تفصیلات

ذرائع کے مطابق احتجاج کے لیے 24 نومبر کی تاریخ دینا مذاکرات کی راہموار کرنے والوں کے لیے حیران کن تھا، 24 نومبر سے قبل اسی کے لیے ملک کے مختلف شہروں میں جلسوں کا اعلان بھی کیا گیا تھا۔

یہ بھی پڑھیں: سکیورٹی واپس لینے پر کچھ ججز کے تبادلے کردیئے: پشاور ہائیکورٹ

بشریٰ بی بی کی حفاظت

اجلاس کو بتایا گیا کہ سنجانی کے مقام پر عمران خان بھی دھرنے کے لیے تیار تھے لیکن بشریٰ بی بی نے عمران خان کی ہدایات پر ڈی چوک جانے کا فیصلہ کیا۔ احتجاج کے دوران حکومت کی جانب سے کارروائی کے بعد بشری بی بی کو وہاں سے محفوظ مقام پر منتقل کرنے کا فیصلہ بھی وزیراعلیٰ کا تھا۔

یہ بھی پڑھیں: ڈی چوک: وزیراعظم خیبرپختونخوا علی امین گنڈاپور صوابی کی طرف روانہ

تحفظ کی ضرورت

اس حوالے سے وزیراعلیٰ علی امین خود بھی کہہ چکے ہیں کہ بشریٰ بی بی کو محفوظ مقام پر منتقل اس لیے کیا گیا کہ بشریٰ بی بی عمران خان کی عزت ہیں اور اس لیے انھیں تحفظ دیا گیا۔

تحریک انصاف اور اسٹیبلشمنٹ کے تعلقات

تحریک انصاف اور اسٹیبلشمنٹ کے درمیان پہلے سے زیادہ فاصلے بڑھ گئے ہیں۔ اگر دوبارہ بھی کوشش کی جاتی ہے تو اس میں لمبا عرصہ لگ سکتا ہے۔ اب تحریک انصاف نے اسلام آباد میں دوبارہ احتجاج کا فیصلہ کچھ عرصے کے لیے مؤخر کر دیا جبکہ ارکان اسمبلی نے وزیراعلیٰ کو دوبارہ احتجاج کے لیے تعاون کی یقین دہانی کرا دی ہے.